ශ්‍රී ලංකා බටගොයා (Treron pompadora) යනුවෙන් හැඳින්වෙන්නේ Treron ගණයට අයත් පරෙවි විශේෂයකි. ශ්‍රී ලංකාව තුළ මෙම පක්ෂියා සිංහල බසින් පොම්පදෝරු බටගොයා සහ පිටරතු බටගොයා යන නම්වලින් ද හඳුන්වයි.[2] මෙම පක්ෂියා ශ්‍රී ලංකාවේ වනාන්තරවලින් හමු වේ. බොහෝ අධිකාරීන් විසින් මෙම විශේෂය පොම්පදෝරු බටගොයා සංකීර්ණයෙන් බෙදා වෙන්කර ඇත.
සාමාන්‍යයෙන් ශ්‍රී ලංකා බටගොයා හැසිරෙන්නේ තනි වශයෙන් හෝ කුඩා කන්ඩායමක් වශයෙනි. පියාසැරිය සාමාන්‍යයෙන් පියාසැරිය වේගවත් සහ ඍජු ය. පියාසැරියේ දී වේගවත් අත්තටු සැලීමේ දී ක්‍රමානුකූල රිද්මයෙන් යුතුව අත්පොලසන් හඬක් වැනි ශබ්දයක් නැගේ. මෙය සාමාන්‍යයෙන් පරෙවීන්ට ලාක්ෂණික ලක්ෂණයකි. මෙම පක්ෂියා ශාක ගණනාවක ඇට වර්ග සහ ඵල මත යැපේ. ගසක් මත කෝටු කැබලි ආධාරයෙන් තනන කැදැල්ලේ සුදු පැහැ බිත්තර දෙකක් දමයි.
