Pan ye un chenero de primatz hominidos hominins, en a subtribu d'os panins, propios d'as selvas y sabanas con arbolau de l'Africa sub-sahariana occidental y central, dende Senegal dica Tanzania,[1] enca que son mas freqüents en os países que arredolan o golfo de Guinea. Popularment se os conoix como chimpanzés (d'o francés <chimpanzé)[2].
En l'actualidat o chenero comprende dos especies reconoixidas; Pan troglodytes (o chimpanzé común) y Pan paniscus (o bonobo u chimpanzé pigmeu).[3]
Estudeos cheneticos y inmunolochicos han demostrau que Pan ye o chenero vivo filochenicament mas amanau a Homo, en o qual nos trobamos os humans.[4] A diverchencia evolutiva de totz dos linaches, que ixo ye o zaguer antipasau común que compartiemos, s'ha datau en fa bells 5-6 millons d'anyos.[5] Os chimpanzés y os humans compartimos aproximadament o 96% d'o nuestro chenoma.[4]
Son animals diurnos y tienen costumbres arboricolas u semi-arboricolas, gosando pasar en o suelo quasi o 50% d'o tiempo que son dispiertos.[3][5] Os exemplars chovens son mas arboricolas que no es adultos.
Son animals socials, y viven en grupos complexos (sociedatz) con numeros d'individuos que bailan d'entre 15 y 150. En a especie P. troglodytes, os grupos s'agregan y se disgregan estacionalment, desfendo-se en grupichons mas chicorrons, tot seguindo una estratechia que os primatologos denominan «de fisión-fusión».[6][7]
Pan ye un chenero de primatz hominidos hominins, en a subtribu d'os panins, propios d'as selvas y sabanas con arbolau de l'Africa sub-sahariana occidental y central, dende Senegal dica Tanzania, enca que son mas freqüents en os países que arredolan o golfo de Guinea. Popularment se os conoix como chimpanzés (d'o francés
