Leeches

Ene sansowe^[1], c' est ene biesse d' ene dizo-classe di l' ecoxhmint des viers ås aneas. Ele vike dins l' aiwe, et s' plake so les pires et les ôtès astocas.

End a 650 sôres, tertotes gatebok (k' i gn a les deus sekes sol minme biesse).

Ele sont onk a 20 cm longues.

• 
• 
• 
• naiviant

Vicaedje

Ele vikèt dins les doûcès aiwes (sacwantes dins les egoloes des mouzes).

Mouvmint

Ele avancèt tot s’ placant so ene pire, pu si stinde, plaker s’ tiesse so ene novele pire, si racroler, pu racmincî.

Mins elle polèt eto naivyî tot-z ondulant.

Uzaedje el medcene

Tot on tins, on a metou des sansowes a sacwants malådes, sol minme idêye ki l' metaedje di boesses.

Dins les maladeyes des biesses

Les vatches ki vont boere dins des sourdants u des ris avou des sansowes les polèt aveur el boke, et l' biesse si plaker dins l' trô del gueuye. L' årtisse î pinse cwand l' vatche glete et k' gn a do sonk dins l' gletaedje.

Dins les belès-letes e walon

On ndè djåze dins ene des noveles di Eviè Nonne, sol guere d' Indochine.

Sourdant

1. ↑ po tos les accints do mot e nos e walon, loukîz al notule ALW 8 ^{(a-z aveuri)}