Red Wolf

Ar bleiz ruz (Canis lupus rufus, gwechall Canis rufus) eo ar spesad bleizi ralañ.

E gavout a raed gwechall e gevred Stadoù-Unanet Amerika. Astennadur al labourerezh-douar hag an hemolc'h o deus lakaet e boblañs da zigreskiñ ha war-dro 300 hinienn hepken a chomfe (an div drederenn anezho a zo savet hag un drederenn bet adlakaet en natur ma ouennont en-dro).

Krediñ a reer e veve eus Pennsylvania betek Florida ha Teksas. Posupl eo avat ec'h astenne e diriad betek harzoù Kanada. E-pad pell ne voe gwelet diforc'h genetikel ebet etrezañ hag ar bleiz gris pe ar c'hoiot ^{[ 1 ]} ha ganto e c'hell gouennañ. Gallout a reer krediñ e vo beuzet ganto pa gresko adarre e boblañs.^{[ 2 ]}

E 1987 e tilezjod 100 anezho en Alligator River National Wildlife Refuge en un enezenn war aod North Carolina. Un eil poblañs a voe dilezet en Horn Island war aod Mississippi met e ziblasañ e voe ret ober peogwir e c'helle kejañ gant an dud.

Adlakaet eo bet e natur, ha kement-se gant berzh, un 70 hini gouez sur a zo, ha moarvat ouzhpenn (2010).

Isspesadoù

Bez' e oa tri isspesad met daou anezho a zo aet da get en natur.

• Canis rufus floridanus a zo aet da get e 1930
• Canis rufus gregory a zo aet da get en natur 1970
• Canis rufus rufus a zo aet da get en natur e 1980 met adlakaet e oa bet en e endro goude-se

Daveoù

1. ^ Roy, M.S., Geffen, E., Smith, D., Ostrander, E.A. & Wayne, R.K. (1994). "Patterns of differentiation and hybridization in North American wolflike canids, revealed by analysis of microsatellite loci.". Molecular Biology and Evolution 11 : 553–570.
2. ^ Wayne, R.K., Lehman, N., Allard, M.W. & Honeycutt, R.L. (1992). "Mitochondrial DNA variability of the grey wolf - genetic consequences of population decline and habitat fragmentation". Conservation Biology 6 : 559-569.