Hygrocybe punicea, tamién conocíu como higróforo coloráu,[1] ye un fungu basidiomiceto de la familia Hygrophoraceae[2] qu'habita en zones alpines, subalpinas y montascoses. Nun ye bien frecuente, y fructifica na seronda, en praos húmedos y araxales. El so cogorda ye comestible.[1]
La cogorda, o cuerpu granible, d'esti fungu presenta un sombreru d'hasta 12 centímetros de diámetru, campanulado o cónicu de primeres, que conforme madura pasa a ser convexu y finalmente planu, presentando nel so centru una abombadura esplanada. Primeramente ye d'un llamativu color acoloratáu anaranxáu, escarlata o color sangre, pero vuélvese pálida cuando la cogorda avieya. Ye testura húmeda mafosa y lobuláu, y presenta un cantu de cutiu sedáu. Les llámines, xuntaes al pie —adnatas— de primeres y llibres n'exemplares maduros, tán bien espaciadas y presenten numberoses laminuques parciales. Son de color amarellentáu, mariellu anaranxao y un pocu más clares na zona más cercana a la superficie. El pie tien un llargor d'ente 6 y 10 centímetros y mide ente 0,8 y 2,5 de diámetru. Suel ser cilíndricu, anque de cutiu presenta una morfoloxía esplanada o acanalada, y presenta una coloración similar a la del sombreru, cola parte más cercana al sustrato más clara. Ye buecu y secu, y ta percorríu por estríes llonxitudinales de testura fibrosa. La so carne ye ablancazada, cerosa, ensin golor y de sabor duce. La esporada ye blanca.[1]
Esiste una especie asemeyada del mesmu xéneru, Hygrocybe coccinea, que produz cogordes más pequeñes.[1]
Hygrocybe punicea, tamién conocíu como higróforo coloráu, ye un fungu basidiomiceto de la familia Hygrophoraceae qu'habita en zones alpines, subalpinas y montascoses. Nun ye bien frecuente, y fructifica na seronda, en praos húmedos y araxales. El so cogorda ye comestible.
