Colutea komarovii Takht.

Komarov şaqqıldağı (lat. Colutea komarovii) — paxlakimilər fəsiləsinin şaqqıldaq cinsinə aid bitki növü.

Təbii yayılması

Azərbaycanda dar bir arealda yayılmışdır.

Botaniki təsviri

Daşlı-qayalı dağ yamaclarında rast gəlinir. Boyu 1,5 metr olan tikanvarı budaqcıqları olan koldur. Budaqlarının qabığı hamardır, budaqcıqları tikanvarıdır. Yarpaqları 1, bəzən də 2 cütdür. Yarpaqcıqları dəyirmi və ya yumurtavarı dəyirmidir, küt ucludur, uzunluğu 4-5, eni 3-4 mm-dir, qalıntəhərdir, incə qırışlıdır, seyrək, sıx tüklüdür. Kasacığı zəngvarı, dişicikləri itidir. Yarpaqcıqları 2 cütdür. Çiçəkləri salxımlara toplanmış və yarpaqların qoltuğunda yerləşmişdir. Erkəkcikləri bitişikdir. Paxlası 20-22 sm uzunluğunda olur. Paxla saplaq üzərində olub çılpaqdır, uzunluğu 18-20, eni 15 mm-ə qədərdir. Meyvəsi yetişən zaman uc hissəsindən açılır. May ayında çiçəkləyir iyunda meyvəsi yetişir.

Ekologiyası

Təbiətdə toxumlarla çoxalır. Təbii ehtiyatının dəyişilməsi səbəbi başlıca olaraq insan fəaliyyətidir. Qəbul edilmiş xüsusi qoruma tədbiri yoxdur.

Azərbaycanda yayılması

Azərbaycanın endemik bitkisidir. CR A1ab; B1b (i,iii,iv). Naxçıvan MR-in Ordubad rayonu (Kotam kəndi) ərazisində təbii halda yayılmışdır. Azərbaycanda botanika bağlarında becərilir. Azərbaycanın "Qırmızı kitabı"na daxil edilmişdir.

Mənbə

Azərbaycan Dendroflorası III cild-Bakı:"Elm",2016,400 səh. T.S.Məmmədov

http://dendrologiya.az/?page_id=112

Ədəbiyyat

• Флора Азербайджана.т.5. 1954;
• Флора Кавказа т.5. 1954;
• Деревья и кустарники СССР. т.4.1958.
• Azərbaycanın ağac və kolları. I cild. 1961;
• Naxçıvan Muxtar Respublikası florasının takso¬nomik spektri. 2008;
• Azərbaycan florasının konspekti. I-III cildlər. 2005; 2006; 2008;
• Naxçıvan Muxtar Respublikasının “Qırmızı Kitabı”. 2010;
• Azərbaycanın nadir və nəsli kəsilməkdə olan oduncaqlı bitkilərinin in situ və ex situ şəraitində bioekoloji xüsusiyyətlərinin reproduksiyasının, repro¬duksiyasının və repatriasiyasının elmi əsasları, b.e.d. alimlik dərəcəsi al¬maq üçün dissertasiya. Bakı. 2011; Naxçıvan MR-nın flora müxtəlifliyi və onun nadir növlərinin qorunması. 2011.

Colutea komarovii là một loài thực vật có hoa trong họ Đậu. Loài này được Takht. miêu tả khoa học đầu tiên.^[1]

Chú thích

Liên kết ngoài

• Phương tiện liên quan tới Colutea komarovii tại Wikimedia Commons
• Dữ liệu liên quan tới Colutea komarovii tại Wikispecies