El pancùco el xe na erba ke dura tuto l'ano, alta 8-15 çentimetri. El nome sientifico xe Oxalis acetosella, deła fameja dełe Oxalidaceae (in inglese common wood sorrel, in todesco Waldsauerklee, in tałjàn acetosella). Ła vive dal pian fin ai 2000 metri.
Łe foje łe xe fate ciascheduna da tre fojete a forma de core e łe pare quełe del trifojo. El fiore xe ugnoło, cołor bianco co strie vioła. I fruti i xe drento na capsuła divisa in 5 parti: quando ke xe ora , i grani vien skisà fora e butà distante. El pancùco ga drento vitamina C, osałati (e difati el fa mal a quei ke ga i calcołi renałi), antrakinoni.
El pancùco se magna cruo in sałata, anca miscià col spanavin, o coto, come i radici o anca drento łe fortaje. Se pol anca meterlo drento ła graspa. Dałe foje se tira fora el sałe de pancùco, doparà na volta in tintoria par cavar via łe mace pi dificiłi. Sta pianta ła vegneva anca doparà par lustrar ogeti de rame, bronxo e corame.
El pancùco el xe na erba ke dura tuto l'ano, alta 8-15 çentimetri. El nome sientifico xe Oxalis acetosella, deła fameja dełe Oxalidaceae (in inglese common wood sorrel, in todesco Waldsauerklee, in tałjàn acetosella). Ła vive dal pian fin ai 2000 metri.
Łe foje łe xe fate ciascheduna da tre fojete a forma de core e łe pare quełe del trifojo. El fiore xe ugnoło, cołor bianco co strie vioła. I fruti i xe drento na capsuła divisa in 5 parti: quando ke xe ora , i grani vien skisà fora e butà distante. El pancùco ga drento vitamina C, osałati (e difati el fa mal a quei ke ga i calcołi renałi), antrakinoni.
