O peixe sapo negro (Lophius budegassa) é unha especie de peixe da familia Lophiidae distribuído polo nordeste do océano Atlántico desde as illas Británicas até o Senegal, o mar Mediterráneo e o mar Negro.[1]
Coa forma típica dos peixes da súa familia, é unha especie de gran tamaño, cunha lonxitude máxima normal duns 50 cm,[1] aínda que se describiu un exemplar de 100 cm.[2] Diferénciase do peixe sapo común (Lophius piscatorius) por presentar un peritoneo escuro que é visible a través da pel do ventre, pola súa cabeza proporcionalmente menos longa e por ter a terceira espiña cefálica máis curta.[3]
Vive en augas moi profundas pousado directamente sobre o fondo mariño, nun rango de profundidade de entre 300 e 1.000 metros.[4]
Aliméntase de organismos que nadan a media profundidade e que baixan un momento ao fondo para comer atraídos polo seu reclamo, polo que as súas presas son preferentemente peixes.[2]
É unha especie que se pesca e comercializa.[5]
O peixe sapo negro (Lophius budegassa) é unha especie de peixe da familia Lophiidae distribuído polo nordeste do océano Atlántico desde as illas Británicas até o Senegal, o mar Mediterráneo e o mar Negro.
