Merops oreobates[2] ye una especie d'ave coraciforme de la familia Meropidae que vive n'África.
Mide unos 22 cm y suel pesar ente 17-38 g.[3] Nel plumaxe de les sos partes cimeros predomina'l verde, ente que les partes inferiores son principalmente de color canela, más escuru ya intensu nel pechu. El so gargüelu ye mariella. Presenta franxes negres en delles partes del cuerpu: una a manera de antifaz travesando los güeyos, otra con forma de media lluna na parte frontera del pescuezu, y les restantes nes terminaciones de la cola y les secundaries, remataes con un cantu blancu. Estrémase del abeyerucu chicu por ser de mayor tamañu y de tonos más escuros, y por tener una manca blanca nes mexelles.
Aliméntase principalmente d'abeyes amás de poliyes, libélulas, escarabayos y otros inseutos voladores. Paez ser una especie adaptable que ye capaz d'aguantar la desforestación.[4]
Como'l so nome indica ye una ave que s'atopa en zones altes acomuñáu a los montes de les fasteres y les llendes del monte, princiapalmente alredor de la rexón de los grandes llagos, distribuyíu pelos montes de Burundi, República Democrática d'El Congu, Etiopía, Kenia, Ruanda, Sudán del Sur, Tanzania y Uganda.
Merops oreobates ye una especie d'ave coraciforme de la familia Meropidae que vive n'África.