Les especies d'aves con nome común en llingua asturiana márquense como NOA. En casu contrariu, conséñase'l nome científicu o de la SEO.
Anthus cervinus ye un ave paseriforme de la familia Motacillidae que s'atopa en Eurasia, Norteamérica y el norte d'África.
Esta especie de chis ye de pequeñu tamañu, de 15 cm de llargor corporal.[2] Los machos adultos pel branu, la so dómina de apareamiento, son fácilmente identificables pol color coloráu de la so cara, pescuezu y gargüelu. Les femes y los machos col so plumaxe non reproductivu paécense enforma a otres especies de chises, yá que'l so gargüelu namái tien un llixeru tonu acoloratáu. El so mantu cimeru ye de tonos pardos arrallaos n'escuru y el so abdome ye de colores ablancazaos chiscáu por llixos escuros allargaes. Los xuveniles tienen el gargüelu blancu con llistes malares negres.
Como toles chises son aves qu'emiten diversos y variaos soníos, tantu en vuelu como tando posaos.
Cría nel norte d'Europa, Asia y Alaska. Ye un migrador de llarga distancia que se mueve a África, Asia oriental y la mariña occidental de EE.XX. pa pasar l'iviernu. N'Europa Occidental apaez de camín migratoriu camín del norte d'África y como divagante.
Viven principalmente n'árees de llamargales baxes y abiertes, con parrotales de fueya caduca. El so hábitat reproductivu son los medios palustres y la tundra húmeda. Mientres les migraciones paran n'árees húmedes ensin árboles, pero tamién en zones seques y campos llabraos.
El so vuelu ye fuerte y direutu. Ye sociable y forma pequeñes bandaes mientres la migración.
Principalmente ye inseutívoru, como tolos sos parientes, pero tamién come granes.
Faen los ñeros ente la vexetación y ponen los güevos ente mayu y xunu. Ponen ente 4 y 7 güevos que son guaraos cuasi puramente pola fema ente 10 y 13 díes, anque'l machu ayuda na alimentación. Los pitos tarden de mes y mediu a dos meses en volar.
Esta páxina forma parte del wikiproyeutu Aves, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. Les especies d'aves con nome común en llingua asturiana márquense como NOA. En casu contrariu, conséñase'l nome científicu o de la SEO. Anthus cervinus ye un ave paseriforme de la familia Motacillidae que s'atopa en Eurasia, Norteamérica y el norte d'África.
