La Nigrakrona kardelo (Spinus atriceps, iam Carduelis atriceps) estas malgranda paserina birdo, membro de la familio de Fringedoj.
La Nigrakrona kardelo estas kardelo kiu karakteras pro nigreca krono (kaj frunto), kiu aperas kaj en la komuna nomo kaj en la latina scienca nomo kie atriceps signifas precize “nigra kapo”. Krome ĝi estas ĝenerale grizoliveca birdo kun pli hela vizaĝo, pli malhela dorso, nigrecaj flugiloj kun la kutimaj kardelecaj flavaj flugilstrioj, flaveca pugo kaj nigreca forkoforma vosto. La beko estas hela, kontrasta kun la nigra frunto kaj konusforma. La masklo estas iom simila al ino de Kapuĉa kardelo.
Ĝi troviĝas en montaraj regionoj de Gvatemalo kaj sudokcidenta kaj suda Meksiko. Ties natura habitato estas subtropikaj aŭ tropikaj humidaj montararbaroj kaj tre degraditaj iamaj praarbaroj.
La Verda kardelo, S. spinus estas praulo de la Pinkardelo, Dominga kardelo, S. dominicensis, kaj de la Nigrakrona kardelo, S. atriceps. La subspecio S. pinus perplexus povus esti pli proksima al la S. atriceps; ili ambaŭ loĝas en la altebenaĵo de Gvatemalo kaj Meksiko.[1]
La Nigrakrona kardelo (Spinus atriceps, iam Carduelis atriceps) estas malgranda paserina birdo, membro de la familio de Fringedoj.
La Nigrakrona kardelo estas kardelo kiu karakteras pro nigreca krono (kaj frunto), kiu aperas kaj en la komuna nomo kaj en la latina scienca nomo kie atriceps signifas precize “nigra kapo”. Krome ĝi estas ĝenerale grizoliveca birdo kun pli hela vizaĝo, pli malhela dorso, nigrecaj flugiloj kun la kutimaj kardelecaj flavaj flugilstrioj, flaveca pugo kaj nigreca forkoforma vosto. La beko estas hela, kontrasta kun la nigra frunto kaj konusforma. La masklo estas iom simila al ino de Kapuĉa kardelo.
Ĝi troviĝas en montaraj regionoj de Gvatemalo kaj sudokcidenta kaj suda Meksiko. Ties natura habitato estas subtropikaj aŭ tropikaj humidaj montararbaroj kaj tre degraditaj iamaj praarbaroj.
La Verda kardelo, S. spinus estas praulo de la Pinkardelo, Dominga kardelo, S. dominicensis, kaj de la Nigrakrona kardelo, S. atriceps. La subspecio S. pinus perplexus povus esti pli proksima al la S. atriceps; ili ambaŭ loĝas en la altebenaĵo de Gvatemalo kaj Meksiko.
