Ar merienaer godellek, pe numbat, (Myrmecobius fasciatus) a zo ur godelleg amprevanetaer hag a vev e kornôg Aostralia.
En em vagañ a ra diwar merien-gwenn ha, raloc'h, diwar merien. Faoutañ a ra ar grugell gant skilfoù e bavioù a-raok ha sunañ an amprevaned gant e deod 10 cm.
Bevañ a ra en e-unan hag argas a ra ar merienaerien all diouzh e diriad.
52 zant bihan-bihan zo en e c'henoù. War-dro 25 cm eo hirder e gorf ha 20 cm hini e lost. E bouez zo etre 300 ha 700 g.
Ar re vihan a chom stag ouzh bronnoù ar vamm e-pad 4 miz.
Ar spesad nemetañ eo er c'herentiad Myrmecobiidae.