崖柏屬

Tuja^[1][2] (Thuja) jo rod ze swójźby cypresowych rostlinow (Cupressaceae).

W roźe tujow (Thuja) su pěś družynow:

• Korejańska tuja (Thuja koraiensis Nakai) (syn.: T. odorata)
• Pódwjacorna tuja (Thuja occidentalis)
• Wjelicka tuja (Thuja plicata)
• Japańska tuja (Thuja standishii (Gordon) Carriére)
• Sichuan-tuja (Thuja sutchuenensis Franch.)

Družyna pódzajtšna tuja, kótaraž něga jo měła wědomnostne mě (Thuja orientalis), źinsa se do swójskemu rodoju Platycladus zarědujo a togodla ma nowe wědomnostne mě Platycladus orientalis.

Jadnotliwe družyny roda Thuja se góźe mjaz drugim na aromatiskej woni rozšurowanych spjerchlinatych łopjenow rozeznawaś. Toś wónjaju Thuja koraiensis kaž mandlowy tykańc, Thuja plicata (toś južo bźez rozšurowanja) kaž ananas, Thuja occidentalis kaž jabłucyna z korjeninskimi nalikami a wóń wót Thuja standishii dopomina na citronowe placki.

Nožki

1. ↑ ^{1,0 1,1} Starosta: Dolnoserbsko-nimski słownik, Niedersorbisch-deutsches Wörterbuch, Bautzen 1999, ISBN 3-7420-1096-4, bok 525
2. ↑ ^{2,0 2,1} W internetowem słowniku: Lebensbaum

Žrědło

• Steinbachs Großer Pflanzenführer, ISBN 978-3-8001-7567-3, boka 440 a 442, tam źo wó družynoma Riesen-Lebensbaum (Thuja plicata) a Abendländischer Lebensbaum (Thuja occidentalis) (nim.)