Kan Damlası

Adonis aestivalis

Lěśojska adonisowa rožycka (Adonis aestivalis) jo rostlina ze swójźby górkacowych rostlinow (Ranunculaceae).

Wopis

Lěśojska adonisowa rožycka goła rostlina, kótaraž dośěgnjo wusokosć wót 25 až do 60 cm.

Sejźece łopjena su gusto stojece, wěcej raz pjerinate a njasu něźi 1 šyroke kóńcyki.

Kwiśonki

Kwiśo wót junija až do awgusta (wót maja až do julija). Nakóńcne kwiśonki stoje pó jadnom a dośěgnu šyrokosć wót 1 až do 3 (3,5) cm. Pěś gołych keluškowych łopjeńkow jo pśilěgawe, zelene. Pěś až wósym pódłujkich kronowych łopjeńkow jo cerwjene abo blědožołte a cesto na spódku carne.

Płody

Płoźiki gusto stoje. Njasu na kóńcyku zeleny, zrownany, krotki cypk a su na górnem boku kósydłate.

Stojnišćo

Rosćo na trajdowych rolach. Ma lubjej glinjane, kalkate zemje.

Rozšyrjenje

Rostlina jo w srjejźnej a pódpołdnjowej Europje a w Aziji rozšyrjona.

Wužywanje

Pódobna družyna

• Płomjenjowa adonisowa rožycka (Adonis flammea) ma kijašk, kótaryž jo na spódku měko kósmaty. Keluškowe łopjeńka su wenka kósmate. Płoźiki njasu na dolnem boku jasny zubick a wótboka kóńcyka kśiwjony cypk.

Nožki

1. ↑ W internetowem słowniku: Adonisröschen

Žrědła

• GU Naturführer Blumen, ISBN 3-7742-1507-3, strona 108 (nim.)
• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 200 (nim.)