Putorius

De Ülken bilden de Ünnergattung Putorius in de Gattung Mustela, to de ok de Wiesel un de Nerze tellt wurrn. Dat gifft dree Oorten:

• Europääsch Ülk oder Waldülk (Mustela putorius)
• Steppenülk (Mustela eversmannii)
• Swartfootülk (Mustela nigripes)

• Dat Frettchen is een dominizeert Ülkförm, de entweder van de Europääsch oder de Steppenülk hervörgahn is.
• De Tigerülk is mit disse Deerten blots wiedlöftig verwandt un hett een eegen Gattung (Vormela) .

Ülken hebbt een langen Körperbo mit kört Gleedmaaten. Dat Fell gifft dat van geelbruun bit dunkelbruun. Besünners Kennteken sind de maskenhaft Gesichtsteknungen. De Kopprumplengt geiht van 21 bis 56 Zentimeter, de Steert kann tüschen 7 un 19 cm wesen un se wegen tüschen 0,2 bit 2,1 Kilogramm.

Ülken leben meest in gemäßigten Regionen van Eurasien un Noordamerika, de Lebensruum kann open Wald, Steppen oder Graslänner wesen.

So as all Maard hebbt se Analdrüsen, de een stinkend Sekret afsünnern, wat dorto deent, Feinde aftowehren oder dat Revier to markeeren. Van dor kummt ok de Utdruck: De stinkt as een Ülk.