Sympetrum striolatum (Charpentier 1840)

La cortanarices flecha colorada (Sympetrum striolatum) ye una libélula de la familia Libellulidae nativa d'Eurasia. Charpentier, 1840.
Ye una de les libélulas más comunes n'Europa, presente nuna gran variedá de zones acuátiques, anque prefier como zona de cría enagües quietes como estanques y llagos. ^[1]

Taxonomía

• Reinu: Animalia
• Filu: Arthropoda
• Clase: Inseuta
• Ordeu: Odonata
• Subordeu: Anisoptera
• Familia: Libellulidae
• Xéneru: Sympetrum
• Especie: S. striolatum
• (Charpentier, 1840)

Aspeutu

La especie Sympetrum nun ye bono d'estremar y na mayor parte de les árees nes que ta presente vamos atopar más d'una especie de Sympetrum. Les femes y los exemplares nuevos tienen el tórax y l'abdome mariellu claru. Los machos vuelven de de color coloráu cuando maurecen.. Les femes escurecen cola edá, volviéndose de un color chocolate escuru, anque dacuando desenvuelven un color azul na parte baxa del abdome. Les nales tamién desenvuelven un tonu marrón cola edá. En tolos casos les pates son de color negru con una llinia de color mariellu o crema, característicu d'esta especie.

El pterostigma de les femes puede ser de color coloráu, azul, azul claru o marrón.

• Machu neñón

• Machu maduru

• Fema (abdome mariellu y pterostigma azul)

• Fema (abdome mariellu y pterostigma marrón)

• Fema

• Fema adulta (abdome coloráu)

• Fema adulta (abdome marrón)

Comportamientu

Pueden vese adultos volando mientres tol añu nel sur d'Europa, pero nes rexones más al norte solamente vense de xunu a payares.

Esta libélula pequeña alcuéntrase nuna amplia variedá de hábitats, incluyendo llagos, estanques, canales y ríos que flúin lentos. Son predadores n'emboscada, qu'esperen a lo cimero d'una percha alta, como una fueya o la parte cimera d'una puerta, hasta que pasa una mosca a la que van escorrer. Son territoriales nes zones de cría, tratando n'ocasiones d'echar a otres libélulas más grandes como la Aeshna canea. Esti costume de tornar siempres a un sitiu soleyeru fai que sía fácil agorar ónde van aterrizar, polo que ye una de les libélulas más fáciles de fotografiar.

A pesar d'esto, n'árees de caza fuera de l'agua nun son territoriales: puede axuntase un gran númberu d'exemplares ( llegaron a grabase dellos centeraes nel mesmu sitiu) y pueden vese files y files d'estos inseutos sobre les valles de los campos.

Los güevos nun son puestos, sinón llanzaos pel aire: el machu suxeta a la fema y en tándem la xira escontra baxo y escontra alantre percima enagua. Nel puntu más alloñáu del arcu la fema llibera dalgunos de los sos güevos, que cayen na agua.

• En vuelu

• Tándem en vuelu

• En tándem (fema con abdome coloráu)

• Apareamiento (fema con abdome y pterostigma azul)

• Apareamiento (fema con abdome azul y pterostigma coloráu)

• Apareamiento (fema con pterostigma azul claru)

• Dos pareyes poniendo güevos

• Machu cazando

Estáu de caltenimientu

Esta ye una de les libélulas más abondoses n'Europa, y les poblaciones nun amuesen nenguna evidencia d'amenorgamientu.

Sympetrum nigrescens

Un taxón llamáu Sympetrum nigrescens solía considerase como una especie separada. Atoòpase n'Irlanda, Escocia y Noruega. Pue ser el mesmu taxón qu'el S. nigrifemur, siendo dambos subespecies de

S. striolatum.^[2]

Referencies

• Askew, R.R. (2004) The Dragonflies of Europe. (revised ed.) Harley Books.pp180 and 213 . ISBN 0-946589-75-5
• Boudot JP., et al. (2009) Atles of the Odonata of the Mediterranean and North Africa. Libellula Supplement 9:1-256.
• Dijkstra, K-D.B & Lewington, R. (2006) Field Guide to the Dragonflies of Britain and Europe. British Wildlife Publishing. ISBN 0-9531399-4-8.
• «Sympetrum striolatum». British Dragonfly Society. «Sympetrum striolatum». British Dragonfly Society.