nomes no trilho de navegação
Lactobacillales é unha orde de bacterias grampositivas que comprende as bacterias do ácido láctico. Encóntranse no solo, auga, plantas e animais. Utilízanse na produción de alimentos fermentados, como iogur, queixo, manteiga, quefir etc., nos que orixinan a formación de ácido láctico a partir de azucres. Tamén son responsables da fermentación maloláctica na produción do viño, e fermentan os repolos para facer sucrut. Hai tamén especies patóxenas como Streptococcus pneumoniae ou Enterococcus faecalis.
Ademais, o riboswitch de caixa SMK encóntrase só na orde Lactobacillales.
Comprenden as familias Aerococcaceae, Carnobacteriaceae, Enterococcaceae, Lactobacillaceae, Leuconostocaceae, e Streptococcaceae.
A familia tipo é a das Lactobacillaceae que ten numerosas especies que forman parte da microbiota da boca, tracto gastrointestinal e vaxina dos animais homeotermos. Estes bacilos están presentes en alimentos lácteos, carne, peixe, cereais, froitas, zumes de froitas, legumes, prebes e pratos cociñados.[1] Utilízanse na produción de alimentos fermentados como o queixo ou iogur e outros. As Aerococcaceae encóntranse no aire, po, vexetación e solo. As Carnobacteriaceae encóntranse na carne envasada ao baleiro, o queixo, peixe ou nos lagos antárticos meromícticos[2]. As Enterococcaceae forman parte da flora intestinal dos mamíferos e aves, e algunhas son patóxenas, como Enterococcus faecalis. As Leuconostocaceae encóntranse nas plantas e en diversos alimentos como o leite e os produtos lácteos fermentados, produtos vexetais fermentados e carne. Moitas Streptococcaceae son comensais ou parasitos de animais, e algunhas moi patóxenas como Streptococcus pneumoniae.[2].
A orde Lactobacillales foi proposta inicialmente en 2005, e foi descrita en 2009 no volume 3 da segunda edición do Manual de bacterioloxía sistemática de Bergey (Ludwig et al.) e validado en marzo de 2010 e inscrito na lista de validación 132. A taxonomía aceptada actualmente desta orde está baseada na LPSN [3] [4] e a filoxenia foi elaborada segundo as secuencias do ARNr 16S da LTP 106 do 'The All-Species Living Tree' Project [5]
LactobacillalesAerosphaera taetra ♠ Hutson & Collins 2000
Carnococcus allantoicus ♠ Tanner et al. 1995
Granulicatella Collins e Lawson 2000
Atopobacter phocae Lawson et al. 2000
Bavariicoccus seileri Schmidt et al. 2009
Trichococcus Scheff et al. 1984 emend. Liu et al. 2002
Lactobacillus algidus Kato et al. 2000
Lactobacillus grupo de especies 2
Lactobacillus Beijerinck 1901 emend. Cai et al. 2012
Lactobacillus grupo de especies 3
Lactobacillus grupo de especies 4
Lactobacillus grupo de especies 5
Lactobacillus grupo de especies 6
Pediococcus Claussen 1903
Lactobacillus grupo de especies 7
Carnobacterium Collins et al. 1987
Isobaculum melis Collins et al. 2002
Carnobacteriaceae 2 [incl. varios Carnobacterium sp.]
Desemzia incerta (Steinhaus 1941) Stackebrandt et al. 1999
Enterococcaceae & StreptococcaceaeVagococcus fessus Hoyles et al. 2000
Vagococcus Collins et al. 1990
Catellicoccus marimammalium Lawson et al. 2006
Enterococcus (ex Thiercelin e Jouhaud 1903) Schleifer e Kilpper-Bälz 1984
Enterococcus phoeniculicola Law-Brown e Meyers 2003
Enterococcus grupo de especies 2 [incl. Melissococcus plutonius & Tetragenococcus]
Enterococcus grupo de especies 3
Enterococcus grupo de especies 4
Enterococcus raffinosus Collins et al. 1989
Enterococcus avium (ex Nowlan e Deibel 1967) Collins et al. 1984
Enterococcus pallens Tyrrell et al. 2002
Enterococcus hermanniensis Koort et al. 2004
Pilibacter termitis Higashiguchi et al. 2006
Notas:
♠ Cepas que se encontran no NCBI pero non están na LPSN.
Lactobacillales é unha orde de bacterias grampositivas que comprende as bacterias do ácido láctico. Encóntranse no solo, auga, plantas e animais. Utilízanse na produción de alimentos fermentados, como iogur, queixo, manteiga, quefir etc., nos que orixinan a formación de ácido láctico a partir de azucres. Tamén son responsables da fermentación maloláctica na produción do viño, e fermentan os repolos para facer sucrut. Hai tamén especies patóxenas como Streptococcus pneumoniae ou Enterococcus faecalis.
