El tapaculo chucao (Scelorchilus rubecula), tamién conocíu como chucao o tricao, ye una especie d'ave del cladu Rhinocryptidae, endémica de los montes templaos del centro-sur de Chile, dende la rexón d'O'Higgins hasta la d'Aisén, y n'árees fronterices d'Arxentina.[3] Na isla Mocha (Chile) esiste una subespecie, el chucao de la Mocha, que se caracteriza por ser un pocu más grande.[1]
Ye un ave que vive nel sotobosque y muévese dando saltos o per aciu vuelos bien curtios. Mide 17 cm aprosimao. Nel llombu tien un color pardu escuru. Ceya y baberu ablondos. El banduyu presenta llinies tresversales blanques y negres.
Habita puramente na parte más trupa y húmeda del sur d'Arxentina y Chile, nos montes subantárticos, na llamada "selva valdiviana".
El chucao ye omnívoru, aliméntase d'inseutos de la familia Curculionidae (Coleoptera) y Formicidae (Hymenoptera), ente otros y tamién de frutos carnosos de Amomyrtus luma, Myrteola numularia y Drimys winteri.[3]
Na creencia popular, el so berru anuncia la suerte de quien lo escuche: pa dalgunos l'oyelo a la derecha ye señal de bona suerte y oyelo a la izquierda una mala señal; ente que para otros, anuncia mala suerte oyer el berru habitual ("huithreu", "huithrothroy") y un bon badagüeyu si oi'l berru menos frecuente ("chudec").[4][5]
El tapaculo chucao (Scelorchilus rubecula), tamién conocíu como chucao o tricao, ye una especie d'ave del cladu Rhinocryptidae, endémica de los montes templaos del centro-sur de Chile, dende la rexón d'O'Higgins hasta la d'Aisén, y n'árees fronterices d'Arxentina. Na isla Mocha (Chile) esiste una subespecie, el chucao de la Mocha, que se caracteriza por ser un pocu más grande.