Streptococcus mutans bakterio Gram positiboa da, estreptokokoen viridans taldean sailkatzen dena, eta txantxarraren eragile nagusia. J. K. Clarkek mikrobioa deskribatu zuen lehenbizikoz 1924an.
Bakterio horren habitat ohikoena ahoa da. Bakterioak polisakarido oso itsaskorra ekoizten du, hortz-esmaltean atxikitzen dena [1]. Hortzetan itsasita, bakterioak glukosa hartzitzen du, azido laktikoa sortuz. Azido horrek hortza kaltetzen du, txantxarra agertuz.
Txantxarra oso ohikoa da herrialde garatuetan, eta askoz gutxiago Hirugarren Munduko herrialdeetan. Lehenengoetan sakarosaren kontsumoa oso hedatuta dago. Sakarosa da Streptococcus mutansek erabiltzen duen azukrea polisakarido itsaskorra sortzeko, eta beraz sakarosa da txantxarraren eragile nagusietako bat.
Streptococcus mutans pertsona gehienen ahoan dago, kasu askotan txantxarra eragin gabe. Txantxarrarekiko norberaren joera fisiologiko eta genetikoak, dietak eta sakarosaren kontsumoak baldintzatuko dute gaitzaren agerpena.
Txantxarraren aurkako txerto baten ikerketa egiten ari da azken urteotan, oraingoz emaitzarik gabe [2].
Streptococcus mutans bakterio Gram positiboa da, estreptokokoen viridans taldean sailkatzen dena, eta txantxarraren eragile nagusia. J. K. Clarkek mikrobioa deskribatu zuen lehenbizikoz 1924an.
Bakterio horren habitat ohikoena ahoa da. Bakterioak polisakarido oso itsaskorra ekoizten du, hortz-esmaltean atxikitzen dena . Hortzetan itsasita, bakterioak glukosa hartzitzen du, azido laktikoa sortuz. Azido horrek hortza kaltetzen du, txantxarra agertuz.
Txantxarra oso ohikoa da herrialde garatuetan, eta askoz gutxiago Hirugarren Munduko herrialdeetan. Lehenengoetan sakarosaren kontsumoa oso hedatuta dago. Sakarosa da Streptococcus mutansek erabiltzen duen azukrea polisakarido itsaskorra sortzeko, eta beraz sakarosa da txantxarraren eragile nagusietako bat.
Streptococcus mutans pertsona gehienen ahoan dago, kasu askotan txantxarra eragin gabe. Txantxarrarekiko norberaren joera fisiologiko eta genetikoak, dietak eta sakarosaren kontsumoak baldintzatuko dute gaitzaren agerpena.
Txantxarraren aurkako txerto baten ikerketa egiten ari da azken urteotan, oraingoz emaitzarik gabe .
