Dermoptera

Los dermópteros (Dermoptera), que tamién reciben el nome de colugos son un orde de mamífero placentarios con solu dos especies actuales pertenecientes a la única familia del orde, Cynocephalidae.^[1]

Anque n'ocasiones llámase-yos "lémures voladores", los dermópteros nun son primates. Modernos estudios del ADN d'estos animales realizaos na Universidá de Texas, EE. UU., revelaron que los primates y los dermópteros tuvieron un antepasáu común fai unos 80 millones d'años, mientres el Cretácicu.^[2]

Son animales arborícoles que tienen una membrana cutanea o patagio, xuniendo'l pescuezu, les estremidaes y la cola. Comen frutos y fueyes.

Taxonomía

Dibuxo d'un colugo.

Los dermópteros tienen un abondosu rexistru fósil dende finales del Paleocenu, prueba d'un pasáu floreciente, pero na actualidá sobreviven solu dos especies de la familia Cynocephalidae:^[3][1]

• Familia Cyriacotheriidae†

Xéneru Cyriacotherium† (consideráu dacuando un pantodonto).

Xéneru Thylacaelurus†

• Familia Paromomyidae†

Xéneru Paromomys†

Xéneru Simpsonlemur†

Xéneru Elwynella†

Xéneru Ignacius†

Xéneru Arcius†

Xéneru Pulverflumen†

Xéneru Dillerlemur†

Xéneru Phenacolemur†

• Familia Plagiomenidae†

?Xéneru Eudaemonema†

?Xéneru Elpidophorus†

Xéneru Planetetherium†

Xéneru Worlandia†

Xéneru Ellesmene†

Xéneru Plagiomene†

Xéneru Ekgmowechashala† (de cutiu tratáu como un primate Omomyidae).

Xéneru Tarkadectes†

Xéneru Tarka†

• Familia Mixodectidae†

Xéneru Dracontolestes†

Xéneru Mixodectes†

• Familia Cynocephalidae

Xéneru Dermotherium†

Xéneru Cynocephalus

Cynocephalus volans - Filipines

Xéneru Galeopterus

Galeopterus variegatus - Sudeste Asiáticu ya Indonesia.

Referencies

Enllaces esternos

• Wikimedia Commons acueye conteníu multimedia sobre Dermoptera.