Rosa kazarjanii Sosn.

Ümumi yayılması:

Qafqazda- Gürcüstanın Tabisçixuri gölü və Axtanski rayonu ərazilərində quru bozqır yamaclarda təbii arealı vardır.

Azərbaycanda yayılması:

Naxçıvan MR-ın dağlıq rayonları ərazisində rast gəlinir.

Statusu:

Azərbaycanın nadir bitkisidir. VU B1ab(iii)+2ab(iii).

Bitdiyi yеr:

Aşağı və orta qağ qurşaqlarda quru bozqırlaşmış daşlı-qayalı yamaclarda yayılmışdır.

Təbii ehtiyatı:

Azərbaycanda dar bir arealı vardır.

Bioloji xüsusiyyətləri:

Təbiətdə hündürlüyü 1 m-ə qədər olan koldur. Qopartikanları düz, nazikdir, qaidə hissəsi enliləşmişdir.Yarpaqları 5-7 ədəd enli ellipsşəkilli təpəsi küt 1,7-2,5 sm uzunluğunda olan yarpaqcıqlardan təşkil olunmuşdur. Yarpaqcıqların kənarları mişardişlidir. Kasayarpaqları 1 sm uzunluğunda ola bilir və tamkənarlıdır. Çiçəkləri, adətən, tək-təkdir. Çiçək saplağı 0,7-1 sm uzunluğunda olur. Ləçəkləri ağ rəngdədir. Meyvəsi yumrudur və qaralandır, 1,6-2 sm diametrində ola bilir. İyun, iyul aylarında çiçək açır.

Çoxalması:

Təbiətdə generativ və vegetativ yolla çoxalır.

Təbii ehtiyyatının dəyişməsi səbəbləri:

Başlıca olaraq insan fəaliyyətidir.

Becərilməsi:

Məlumat yoxdur.

Qəbul edilmiş qoruma tədbirləri:

Xüsusi mühafizə ölçüləri tərtib edilməmişdir.

Zəruri qoruma tədbirləri:

Azərbaycanın “Qırmızı Kitabı”na daxil edilməsi zəruridir.

Məlumat mənbələri:

• Деревья и кустарники СССР. т.3.1954;
• Флора Азербайджана. т.5. 1954;
• Azərbaycanın ağac və kolları. III cild. 1970;
• Azərbaycanın “Qırmızı” və “Yaşıl Кitabları”na tövsiyə olunan bitki və bitki formasiyaları. 1996;
• Azərbaycan florasının konspekti. I-III cildlər. 2005; 2006; 2008;
• Naxçıvan Muxtar Respublikası florasının taksonomik spektri. 2008;
• Naxçıvan MR-nın flora müxtəlifliyi və onun nadir növ-lərinin qorunması. 2011.

İstinadlar

1. "Azərbaycanın Nadir Ağac və kol bitkiləri", Bakı: "Elm", 2014, 380 səh.
2. “Azərbaycan dendroflorasi” I cild, Baki, “Elm”, 2011, 312 səh.

• Tofiq Məmmədov, Elman İsgəndər, Tariyel Talıbov.

Xarici keçidlər

http://dendrary.in-baku.com/?page_id=112