Chenopodium berlandieri Moq.

Chenopodium berlandieri est species plantarum florentium familiae Amaranthacearum et generis Chenopodii, in America boreali sponte gignens et praecipue in valle Mississippii fluminis ubi ab indigenis olim colebatur propter semina quae ad victuale atque folia tenera quae ad holus adhibentur. Haec species pars fuisse censetur complexus agrarii orientalis. Cultura plantae choupichoul a populo Natchez iam annis 1720 ab Antonio Simone Le Page du Pratz observata in opere Mémoire sur la Louisiane annis a 1751 ad 1753 descripta est.^[1]

Planta domesticata (a nonnullis ssp. nuttalliae appellata), testa multo pusilliori, in Mexico etiam hodie colitur.

Notae

Bibliographia

• A. Moquin-Tandon, Chenopodearum monographica enumeratio (1840) p. 23
• Bruce D. Smith, "The Cultural Context of Plant Domestication in Eastern North America" in Current Anthropology vol. 52, no. S4 (2011) pp. S471-S484

Nexus externi

Vide "Chenopodium berlandieri" apud Vicispecies. Situs scientifici: Tropicos • GRIN • ITIS • Plant List • NCBI • Biodiversity • Encyclopedia of Life • Plant Name Index • WoRMS: Marine Species • INPN France • Flora of North America • USDA Plants Database

• "Chenopodium berlandieri Moq. ssp. jonesianum" apud Laboratory Guide To Archaeological Plant Remains From Eastern North America