ಹನುಮಂತನ ಬಿಲೋ ಒಂಜಿ ಸೊಕುಗ್ ನಡ್ಪುನಾ ಪೂವುತ ದೈಯಿ. ನೆನ್ನ ವೈಜ್ಞಾನಿಕ ಪುದರ್ Amaranthus caudatus, ನೆನ್ನ್ ಮಂಗನ ಬಿಲೊಂದ್ಲ ಪನ್ಪೆರ್.
ನೆನ್ನ ಮೂಲ ಆಫ್ರಿಕಂದ್ ಪನ್ಪೆರ್ ಅಂಡ ಸರಿಯಾಯಿನ ಮೂಲ ತೆರಿದ್ ಬರುಪುಜಿ. ಏಷ್ಯಾ, ಅಫ್ರಿಕಾ, ದಕ್ಷಿಣ ಆಮೇರಿಕಾಡ್[೧] ಮಾಂತ ತುಯಾರ ತಿಕುಂಡು.
ಹನುಮಂತನ ಬಿಲೋನ್ ತೆನಸ್ ಅತ್ ಗಳಸುವೆರ್, ನೆನ್ನ ಇರೆ, ಬುಕ್ಕ ಬಿತ್ತ್ ತಿನ್ಪುನಂಚಿನವು ಅಯಿನ್ ಕಜಿಪು, ರಸಯಾನೊ ಮಾನ್ತುದ್ ಗಳಸುವೆರ್.
ನೆನ್ನ ಪೂ ಮಂಗನ ಬಿಲೋತ ಲೆಕೊ ಉದ್ದ ಬುಕ್ಕ ಕೆಂಪು ಅತ್ ಇಪ್ಪುಂಡು ಅಂಚತಾರೊ ಇ ಪುದರ್ ಬತ್ತುದುಪ್ಪು. ಈ ಕರ್ ಕೆಂಪು ಬಣ್ಣಗ್ ಅಯಿಟ್ ಜಾಸ್ತಿ ಇಪ್ಪುನ ಕೆಂಪು ಬಣ್ಣ ಕೊರ್ಪುನಾಂಚಿನ Betacyanins ಕಾರನೋ ಅದುಂಡು.
ಉಂದ್ ಒಲೂಲಾ ಅಪುಂಡು. ಸುಮಾರ್ ೩ಪೀಟ್‌ತ್ ೮ ಪೀಟ್ ಏತ್ತರ ಅಪುಂಡು. ಬೊಲ್ಪುತ ದೇವೆರೆನ ಬೊಲ್ಪು ಬುರ್ನ ಜಾಗೆಡ್ ಬಾರಿ ಸೊಕು ಬೊಲೆಪುಂಡು. ನೆನ್ನ ಬಿತ್ ಪಡುಂಡಲ ಅಪುಂಡು, ಗೆಲ್ಲ್ ನಡ್ಂಡಲ ಅಪುಂಡು. ಮಾಂತ ದೊಂಬುಟ್ಲ, ತಂಪು ಇಪ್ಪಿ ಜಾಗೆಟ್ಲ ಬೋಲೆಪುಂಡು.
