La pinguicula grandiflora , nomada tiraña o flor de les fontes, ye una planta inseutívora de la familia Lentibulariaceae. Una carauterística distintiva de l'especie ye la so flor, que ye enforma mayor de lo normal pal xéneru. Vive en zones de clima templáu.
Magar que nun disponen d'un mecanismu de captura realmente activu, el so métodu de nutrición ye en parte del tipu carnívoru. Suelen tener ente 5 y 10 fueyes de 30 a 45 mm (3 y 4'5cm) de llargor. La planta ta formada per una roseta basal de fueyes pegañoses alrodiu les cuales alcuéntrense de cutiu pegaos pequeños inseutos. Nes fueyes tien dos tipos de glándules, unes que secreten la sutancia pegañosa y otres enzimes ácides pa dixirir les sos preses.
Del coral de la planta xurden na primavera un o más tarmos florales d'ente venti y veinticinco centímetros de llargor. Tien flores violetes qu'espoxiguen d'abril a la fin del branu. Depués de la floraciónla planta entra en lletargu hasta la siguiente primavera.
Los sos raigaños son percurtios y débiles y solo tienen función d'asientu y absorción d'agua, pues toma'l nitróxenu de les sos víctimes y los carbohidratos pente medies de la fotosíntesis.
Anguaño usábase como antisépticu nes feríes del ganáu y la xente.
Xorrez sobre suelos probes en materia orgánica. Atópase nos pareos caliares rezumiantes y tamién nes llamuergues, en praos húmedos y en cantos de regueros y fontes.
La tiraña vive nes zones de clima templáu per toa Europa (Península ibérica, Francia, Suiza, Irlanda), dende'l nivel del mar a los 2.000 m d'altitú. Orixinalmente nun s'alcontraba en Gran Bretaña pero foi introducía nunes poques zones d'Inglaterra y Gales.
Pinguicula grandiflora foi nomada y descrita per Jean-Baptiste Lamarck , publicáu en Encycl. 3: 22 (1789)[1][2]
Pinguicola grandiflora nel monte oriental llionés.
Ilustración d'una tiraña con tres flores.
La pinguicula grandiflora , nomada tiraña o flor de les fontes, ye una planta inseutívora de la familia Lentibulariaceae. Una carauterística distintiva de l'especie ye la so flor, que ye enforma mayor de lo normal pal xéneru. Vive en zones de clima templáu.
