Ficaria verna Hudson

Niska maslenka^[3] (Ranunculus ficaria) je rostlina ze swójby maslenkowych rostlinow. Dalše serbske mjena su bórliški^[4][3], jejkuš a jejkojte zelo.

Wopis

Niska maslenka je wjacelětna, naha rostlina, kotraž docpěwa wysokosć wot 5 hač 20 (30) cm.

Jeje stołpik je nižoležacy abo postupowacy a často so rozkorjenjuje na sukach. Korjenja su plecojte.

Łopjena

Łopjena su jěrchenkojte abo wutrobojte, małko zubate hač do cyłokromowe, mjasne a dołho stołpikowe. Wone so před kćenjemi jewja a sylnje błyšća.

Kćenja

Wona kćěje wot měrca hač do meje. Kćenja su žołte, docpěwa šěrokosć wot 2 hač do 3 cm, maja 3 hač do 7 keluškowych łopješkow a maja 8 hač do 12 błyšćacych podołhojtych kćenjowych łopješkow. Nektarowe łopješki su 8-12, krónojte, jejkojće-dołhojte a žołte.

Kćenja buchu wot muchow a pčołow wopróšene.

Płody

Płody su kulojte, rozpjeršenje kosmate, docpěwaja dołhosć mjezy 2 a 2,5 cm a maja zrunany pysčičk.

Płody buchu wot mrowjow rozšěrjene.

Rozpłodźenje

W našim teritoriju rostlina so nimale jenož přez lehnjenske bomblki we łopjenowych rozporach rozpłodźuje, kotrež so lochko wot wjadnjacych rostlinow pušćeja.

Stejnišćo

Wona rosće w lisćowych lěsach, w kerčinach a na włóžnych łukach. Preferuje włóžne, wutkate a bazowe pódy.

Rozšěrjenje

Niska maslenka je w Europje z wuwzaćom Arktisy, sewjernej Africe, Aziji a Kawkazu rozšěrjena.

Wobrazy

• Kćenje

• Rostliny

• Ilustracija

• Typiske plecojte korjenja

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 250.
2. ↑ W internetowym słowniku: Hahnenfuß
3. ↑ ^{3,0 3,1} W internetowym słowniku: Scharbockskraut
4. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 50.

Žórła

• GU Maxi-Kompaß Blumen, ISBN 3-7742-3852-9, strona 43 (němsce)
• GU Naturführer Blumen, ISBN 3-7742-1507-3, strona 40 (němsce)
• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 128, ze synonymom Ficaria verna (němsce)
• Seidel/Eisenreich: BLV Bestimmungsbuch Blütenpflanzen, ISBN 3-405-13557-5, stronje 16-17 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 290 (němsce)
• Kral, Jurij: Serbsko-němski słownik hornjołužiskeje rěče. Maćica serbska, Budyšin (1927)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)
• Völkel, Pawoł: Hornjoserbsko-němski słownik, Ludowe nakładnistwo Domowina, Budyšin (1981)

Eksterne wotkazy

• kraeuterlexikon.de (němsce)
• botanika.wendys (čěsce)