Yeni Zelandiya dəniz şiri və ya oklend dəniz şiri (lat. Phocarctos hookeri) — Qulaqlı suitilər fəsiləsinə aid növ.
Erkəkləri qara-qəhvəyi rəngdə olub, 2,5 m uzunluğa malik olurlar. Çiyinlərinin üzərini örtən tüklər səbəbbindən daha iri görsənirlər. Dişilər nisbətən kiçik və açıq-boz rəngə malik olurlar. Onların uzunluğu isə 2 metr təşkil edir.
Yeni Zelandiya dəniz şiri əsasən Yeni Zelandiya yaxınlığında subantarktik qurşaq adalarında müşahidə edilir. Bunlara misal Oklend adaları, Sners adaları və Kembell adaları. Bu canlıların 90% Oklend adalarında yaşayır. Cənub adası sahillərində tək-tük dəniz şirlərinin koloniyalarına rast gəlinir. Çütləşmə dönəmində Şimal adası (Yeni Zelandiya) adasındada görmək olar.
Sahildə hər erkəyin öz ərazisi vardır. Bəzən dişiyə sahiblənmək üçün qanlı davalar baş verir. Bu döyüşlərdə yalnız ən güçlü və dözünlüsü qalib gəlir. Sahildə şirlərin dincəldiyi ərazilərin 80 % bu canlılar arasında bölünür. Cavan dəniz şirləri isə anaları ilə birlikdə adaların nisbətən daxili hissələrinə gedirlər. Adalarda dəniz şirlərinə yırtıçılar baxımından bir təhlükə yoxdur.
Dünyada hal-hazırda 10-15 min baş bu növün nümayəndələri vardır. Əvvəllər sayı dəqiq bilinmirdi. Məlumdur ki, bu növun nümayyəndələrinə indi daha çox rast gəlinir, nəyinki əvvəllər. XIX əsrdə onlar Oklend adalarında tamami ilə məhv edilmişdi. Halbuki 1806-cı ildə bu növ bu ərazidə aşkarlanmışdı. Hazırda isə adalar qoruq elan edilmiş və əraziyə giriş qadağandır.
Yeni Zelandiya dəniz şiri və ya oklend dəniz şiri (lat. Phocarctos hookeri) — Qulaqlı suitilər fəsiləsinə aid növ.
