Les especies d'aves con nome común en llingua asturiana márquense como NOA. En casu contrariu, conséñase'l nome científicu o de la SEO.
Teretistris fernandinae o chillina, especie d'ave endémica de Cuba, al igual qu'el so xéneru, nel qu'esiste amás otra especie Teretistris fornsi. Pertenez a la familia Parulidae del orde Passeriformes.
En griegu Teretistris significa “finu o delicáu” y fernandinae en llatín vien-y de ser dedicáu al Conde de la Fernandina. Nel occidente de Cuba esta especie ye llamada chillina por glayar frecuentemente. Nel idioma taino, este y otros parulidae yeren llamaos bijiritas, que xunto con chinchillita son los nomes comunes del grupu en Cuba. .
Teretistris fernandinae ye una bijirita común na parte occidental de Cuba, d'onde ye endémica, incluyendo Cienfuegos, la Islla de la Mocedá y cayos axacentes. Vive en montes y carbes a cualquier elevación. Nunca cohabita cola especie hermana Teretistris fornsi.
La chillina mide cerca de 13 cm de llargu. Dambos sexos son d'igual apariencia. La cabeza y la nuca son mariellu verdoses, que pueden paecer más marielles en contraste con xamasca verde. Los llaos del pescuezu son verde amarellentaos. El gargüelu y l'aru qu'arrodia'l güeyu son mariellos. El llombu, la rabadilla, les nales y la cola son grises. El restu de les partes inferiores son blancu abuxaes. Suel axuntase en bandos chillones, en vuelu curtiu. Nun son espantines. Rexistren la vexetación a baxu altor y el suelu en busca d'inseutos, arañes y lagartijitas.
Añera de marzu a xunetu sobre cañes fines horizontales o sobre epifitas. Faen el nial en forma de copa, con raigaños finos, yerbes y fibres. Ponen dos o tres güevos que miden 2 cm de llongura por 1,4 cm d'anchu, son blancuciu azulaos y nel estremu más anchu tienen llurdios pequeños de color castañu acoloratáu y moraes.
Esta páxina forma parte del wikiproyeutu Aves, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. Les especies d'aves con nome común en llingua asturiana márquense como NOA. En casu contrariu, conséñase'l nome científicu o de la SEO. Teretistris fernandinae o chillina, especie d'ave endémica de Cuba, al igual qu'el so xéneru, nel qu'esiste amás otra especie Teretistris fornsi. Pertenez a la familia Parulidae del orde Passeriformes.
