La Montotinamo aŭ Bonapartea tinamo (Nothocercus bonapartei) estas tipo de surgrunda birdospecio troviĝanta en montararbara humida arbaro tipe super 1,500 m de altitudo super marnivelo.
Ĉiuj tinamoj estas el la familio Tinamedoj, kaj je pli granda etendo estas ankaŭ Strutoformaj, kvankam kelkaj fakuloj atribuas propran ordon Tinamoformaj. Malkiel aliaj Strutoformaj (respektive ĉiuj Strutoformaj), la Tinamedoj povas flugi, kvankam ĝenerale, ili ne estas fortaj flugantoj. Ĉiu Strutoformaj evoluis el prahistoriaj flugantaj birdoj, kaj Tinamedoj estas la plej proksimaj vivantaj parencoj de tiuj birdoj.[2]
Ĝi havas kvin subspeciojn kiuj estas la jenaj:
George Robert Gray identigis la Montotinamon el specimeno el Aragua, Venezuelo, en 1867.[2]
La specifa parto de la scienca nomo bonapartei derivas el la latina formo de Bonaparte kiel rememoro al Charles Lucien Bonaparte.
La Montotinamo averaĝe estas 38.5 cm longa, kaj pezas 925 g. Ties plumaro estas makuleca aŭ strieca je nigro kaj cinamo dorse kaj flugiloj kun ruĝeca gorĝo.[2]
La Montotinamo estas timida tinamo kaj kutime soleca aŭ en malgrandaj grupoj de ĝis kvin. Ili manĝas fruktojn el grundo aŭ pendintajn el malaltaj plantoj, kaj foje insektojn. Ties alvoko estas ripeteca laŭta kaj profunda alvoko fare de la masklo.[2]
Dum la reprodukta sezono, la masklo kovas la ovojn kiuj povas esti el pli ol unu ino kaj povas konsisti el 4-12 ovoj. Post eloviĝo la masklo zorgas la idojn.[2]
Tiu tinamo loĝas en Andoj de Kolombio, orienta Ekvadoro, norda Peruo, okcidenta Venezuelo, altaj teroj de Kostariko kaj okcidenta Panamo.[3]
La Montotinamo loĝas en montararbaroj super 1,500 m, ekzemple ĉe marĉaj areoj, kaj ĉefe densaj bambuejoj,[2] kaj ravinoj.[4]
Tiu specio estis listita de IUCN kiel Malplej Zorgiga,[5] kaj kvankam ĝi estas ĉasata por manĝo, ties populacio ŝajnas stabila.[6] Ĝi havas loĝan teritorion de 140,000 km2.[7]
La Montotinamo aŭ Bonapartea tinamo (Nothocercus bonapartei) estas tipo de surgrunda birdospecio troviĝanta en montararbara humida arbaro tipe super 1,500 m de altitudo super marnivelo.
