A chineta d'Angola u chineta angolenya (Genetta angolensis en clasificación scientifica (Bocage, 1882)) ye una especie de mamifero d'a orden Carnivora, d'a familia Viverridae y d'o chenero Genetta, que se distribuye por buena part d'Africa, estando present en Angola, Republica Democratica d'o Congo, Malawi, Mozambique, Tanzania, Zambia y Zimbabwe, mas que mas en as selvas pluvials y en as sabanas. Ye una especie d'a que encara no se conoixen muitos aspectos respective d'a suya biolochía, encara que se gosa considerar que ye prou amanata en ixos aspectos d'a mas conoixita chineta común (Genetta genetta). Tamién ye incierto o suyo estato de conservación, considerando-se que puet tener problemas derivatos d'a desforestación d'as selvas africanas por a presión de l'hombre.
