Vampyromorpha Robson 1929

De Ornen vun de Vampirdintenfische (Vampyromorpha) gifft dat in de Seen hüdigendags bloß noch mit en eenzigste Aart. Dat is de Vampirdintenfisch. Vörtieds hett dat veel mehr Aarden geven. Vun de sünd nu man bloß noch Fossilien to finnen. Vampirdintenfische weert tosamen mit de Kraken (Octopoda) un de Cirruskraken (Cirrata) to de Grupp vun de Achtarm-Dintenfische (Octopodiformes oder Vampyropoda) rekent. Dor höört se mit to de Dintenfische (Coleoidea) to.

Kennteken

Vampirdintenfische hefft twuschen de beiden eersten Armpaare (vun'n Kopp her tellt) noch en Paar Fadens, de torüchtrocken weern könnt un de as Sinnorgan bruukt weert. Ok en Schulp hefft se noch, de vun dat „Huus“ nableven is, dat vun de Vorwesers as Butenskelett bruukt wurrn weer. Man bi den hüdigen Vampirdintenfisch besteiht düsse Schulp bloß noch ut orgaansch Materiol, ohn Kalk oder Aragonit dor mit bi. Bi annere Aarden vun de Vampirdintenfische, de midderwielen utstorven sünd, weer de Schulp noch mit dünne Lagen vun Kalk afstütt wurrn.

Paläontologie

Fossil vun Vampyronassa rhodanica in Pyrit

De ollsten Vampirdintenfische weern in dat uppere Trias (Rhät) upkamen. Ut dat Middeljura (Callovium) vor bi 161,2–164,7 Johre is Vampyronassa rhodanica bekannt.^[1]

Systematik

Vörmols geev dat bi de Vampirdintenfische fiev Familien. De weern unnerdeelt in en Reeg vun Geslechter un Aarden. Hüdigendags leevt wohrshcienlich bloß noch een enkelte Aart.

• Kelaenina †
  • Muensterellidae †
• Prototeuthina †
  • Geopeltididae †
  • Lioteuthididae †
  • Loligosepiidae †
  • Mastigophoridae †
• Mesoteuthina †
  • Palaeololiginidae †
• Teudopsidae †
  • Teudopsidae bollensis †
  • Teudopsidae bunelii †
  • Teudopsidae cadominensis †
  • Teudopsidae jeletzkyi †
  • Teudopsidae subcostata †
• Vampyromorphina
  • Vampyroteuthidae
    • Vampyronassa rhodanica †
    • Vampyroteuthis infernalis

Literatur

• Thomas Berthold und Theo Engeser: Phylogenetic analysis and systematization of the Cephalopoda (Mollusca). Verhandlungen des naturwissenschaftlichen Vereins Hamburg, N. F., 29: 187-220, Hamborg 1987.
• David B. Carlini, Richard E. Young und Michael Vecchione: A molecular phylogeny of the Octopoda (Mollusca: Cephalopoda) evaluated in light of morphological evidence. Molecular Phylogenetics and Evolution, 21(3): 388-397, San Diego 2001
• Richard E. Young und Michael Vecchione: Evolution of the gills in the Octopodiformes. Bulletin of Marine Science, 71(2): 1003-1017, Coral Gables, Florida 2002

Belege

1. ↑ Jean-Claude Fischer and Bernard Riou: „Vampyronassa rhodanica nov. gen. nov sp., vampyromorphe (Cephalopoda, Coleoidea) du Callovien inférieur de la Voulte-sur-Rhône (Ardèche, France)“. In: Annales de Paléontologie Volume 88, Issue 1, January-March 2002, Pages 1-17.

Weblenken

• Young, Richard E. 2008. Vampyromorpha Robson, 1929. Vampyroteuthis infernalis Chun, 1903. The Vampire Squid. Version 30 May 2008. The Tree of Life Web Project