Cowrie

Cypraea a zo ur genad eus kerentiad an hoc'higed-mor. Gant lod eus ar daksonomierien eo ar genad nemetañ er c'herentiad, padal eo ur genad e-touesk kalz re all (betek 49 hervez Word Register of Marine species WORMS^[1] ) gant al lodenn vrasañ eus ar skiantourien. Cheñch a ra ingal a-walc'h ar rummatadur diouzh an dizoloadennoù pe hervez ar skiantourien. E 2000 e veze renket spesadoù ar c'herentiad e 34 genad gant Dr Felix Lorenz, ur skiantour oberiant-tre war ar sujed ^[2]

Taksonomiezh

Anv ar genad Cypraea o tont eus ar gresianeg κύπρις (kupris) a zo anv an doueez Venus. Anv ar genad-se a zo liammet gant anv ar c'herentiad Cypraeidae (Cyprae+idae).

Diskrivet eo bet ar genad gant Linnaeus e 1758.

Spesadoù

An holl spesadoù eus ar c'herentiad a c'hell bezañ er genad Cypraea pe an daou spesad dindan nemetken :

Spesad Cypraea tigris Linnaeus, 1758

Spesad Cypraea pantherina Lightfoot, 1786

Ar spesad-se a zo bet lakaet en ur genad all gant taksonomierien zo.

Spesad Cypraea porcellus Brocchi, 1814 = Zonaria pyrum (Gmelin, 1791)

Skeudennoù

• Kein ur Cypraea tigris

• Cypraea pantherina

• Cypraea tigris

Notennoù ha daveennoù

1. ↑ lec'hienn WORMS Word Register of Marine species, bet sellet outi d'an 21 a viz Mae 2014, http://www.marinespecies.org/aphia.php?p=taxdetails&id=23022, (en)
2. ↑ Lorenz Felix & Hubert Alex, A guide to worldwide cowries, 2000, ti-embann Conchbooks, 2nd edition revised and enlarged, 584p, ISBN 3-925919-25-2 (en)