El xibiellu (Atherina presbyter), en dellos llugares denomináu mirlotu, merlotu, mirlotu, mirlu, mirluetu, corcón, xugla y xuriellu, ye una especie de pexe actinopterigio d'agua duce.[2][3] La so pesca escarez d'interés, namái pa pesca de subsistencia o deportiva, sobre too infantil.
Col cuerpu allargáu color plateáu, el llargor máximu descritu ye d'unos 20 cm.[4] Nel intestín nun presenten apéndices pilóricos; tienen una raya plateada grande, carauterística, brillante que cuerre a lo llargo de los lladrales de la cabeza a la cola; nun hai verdadera llinia llateral.[5]
Ye una especie d'agua marino o salobre, de conducta oceanódromo, que prefier la zona nerítica y peláxica.[6] Prefier les agües subtropicales de 14 ºC. Espárdese pela mariña este del océanu Atlánticu, dende les islles Britániques al norte hasta les islles Canaries, Mauritania y Cabu Verde al sur; tamién s'esparde pela metada occidental del mar Mediterraneu.[7]
Cuando son pequeños viven na zona peláxica cercana a la mariña y los estuarios. Formen bálamos, colos que realicen migraciones estacionales pel Atlánticu. Aliméntense de crustáceos pequeños carnívoros y bárabos de pexe.[8]
Reprodúcense ente primavera y branu, cuando na so migración lleguen al norte, desovando na Canal de la Mancha y nel mar del Norte.
El xibiellu (Atherina presbyter), en dellos llugares denomináu mirlotu, merlotu, mirlotu, mirlu, mirluetu, corcón, xugla y xuriellu, ye una especie de pexe actinopterigio d'agua duce. La so pesca escarez d'interés, namái pa pesca de subsistencia o deportiva, sobre too infantil.
