ಉಂದು ಒಂಜಿ ಜಾತಿದ ಪಕ್ಕಿ.[೧] ಕನ್ನಡೊಡ್ ನವಿಲ್, ಗ್ರೀಕ್ ಮೂಲೊ ಪದೊಟು ಪಿಕೋಕ್ ಪಂದ್ಲಾ ಪನ್ಪೆರ್. ಉಂದೆತ ವೈಜ್ನಾನಿಕ ಪುದರ್ ಪಾರೊ ಕ್ರಿಸ್ಟೇಟಸ್(Paro Cristatus) ಈ ಪಕ್ಕಿಡ್ ಆಣ್, ಪೊಣ್ಣ್ ಪನ್ಪಿನ ರಡ್ಡ್ ಜಾತಿ ಉಂಡ್. ಆಣ್ ಮೈರೆ ಮಾತ್ರ ತನ್ನ ರೆಕ್ಕೆನ್ ಬುಡ್ಪಾವುಂಡ್, ಉಂದು ರೆಕ್ಕೆ ಬುಡ್ಪಾವನಗ ಸುಯಿಕುಲು ತೂಯರೆ ಬಾರಿ ಪೊರ್ಲು. ಈ ಪೊರ್ಲುಡೇ ಪೊಣ್ಣ್ ಮೈರೆನ್ ಒಲಿತೊಂಬುಂಡು. ಉಂದೆಕ್ಲೆನ ಆಹಾರೋ ಮಿಶ್ರಾಹಾರ. ಸಸ್ಯಾಹಾರೊನ್ಲಾ ಬೊಕ್ಕ ವಿಶಕಾರಿ ಪರಪುನೆಕ್ಲೆನ್ಲಾ ಬೋಂಟೆ ಮಲ್ತ್ ದ್ ತಿನ್ಪೊ. ಮೈರೆಲು ಒಂಟಿ ಆದ್ಲಾ ಉಪ್ಪುವಾ, ಗುಂಪುಡ್ಲಾ ಬದುಕುವ. ಮೈರೆ ನಮ್ಮ ಭಾರತದ ರಾಸ್ಟ್ರಾಪಕ್ಶಿಲಾ ಅಂದ್.[೨]
