Ophrys sphegodes subsp. atrata (Rchb. fil.) A. Bolòs

L' Ufridi neru (o Ofride neru) (Ophrys incubacea) hè un fiori chì faci parti di a famiglia di l'orchidaceae. L' Ufridi neru fiurisci d'aprili o di maghju. Hè prisenti in i paesi di l'area euru-mediterrania, è u so ariali si stendi da u Portugallu sin'à l'Albania. Hè prisenti in Corsica, in Sicilia è in Sardegna. L'ufridi neru si trova in i prata, in arba, sin'à 1000 metri. 'Ssu fiori hè cunsidaratu com'è raru à u liveddu europeu.

L'ufridi neru hè altu 20-50 cm. U picciolu hè drittu. U culori di i sepali hè verdi chjaru. U fiori si cumponi di trè sepali, di petali è di un labeddu. I sepali sò verdi è i petali sò verdi-giaddicci o ancu bruni. U labeddu hè brunu scuru. Hè abbastanza largu, viddutosu o ancu pilosu. U labeddu hà ancu una tacca carattaristica grisgiu-turchiniccia, chì hà a forma di un'acca.

Parechji sinonimi di Ophrys incubacea sò:

• Ophrys sphegodes atrata
• Ophrys atrata

U fiori di l'ufridi neru

In Corsica

L'ufridi neru hè prisenti in Corsica. Hè un fiori cumunu da u liveddu di u mari insin'à 1000 metri. Si trova à spessu in i prata o in a machja. Fiurisci d'aprili. Accadi di i volti ch'eddu ci fussi una culonia impurtanta d'ufridi neri.

Prutizzioni

Com'è tutti l'urchidei, l'ufridi neru hè prutettu da a cunvinzioni internaziunali di Washington (CITES) chì intardisci u cummerciu di i spezii di fauna è di flora minacciati di sparizioni.

Da vede dinò

• Orchidee salvatiche in Italia
• Anacamptis pyramidalis
• Labellu
• Lingua di diavulu
• Lingua di ghjallu
• Mosca cavallina
• Ofride gialla
• Orchis ustulata

Rifarenzi

• Gamisans, J. & Jeanmonod, J. (1993) Catalogu di i pianti vascularii di Corsica - Catalogue des plantes vasculaires de la Corse, Consirvatoriu è giardinu botanicu di a cità di Geneva