Rósagrýta (fræðiheiti; Claytonia sibirica[1]) er jurt ættuð frá Rússnesku Aleut-eyjum yfir í Alaska, suður til Santa Cruz fjalla. Montia sibirica er algengt samheiti. Tegundin var flutt tl Bretlandseyja á 18du öld þar sem hún er orðin mjög útbreidd.[2]
Hún vex í rökum skógum. Þetta er langlífur fjölæringur, tvíær eða jafnvel einær með tvíkynja blómum. Fjöldi þykkra og safaríkra stöngla koma upp af rótinni. Stofnblöðin eru langstilkuð, tígul til egglaga, en á blómstönglunum eru blöðin stilklaus. Blómin eru 8–20 mm í þvermál, með fimm hvítum eða bleikum krónublöðum með rauðum æðum[3].
Litningatalan er 2n = 12, 18, 24 eða 30.[4]
Inúítar, indíánar og gullgrafarar í Alaska og Aleut-eyjum nota blöðin ýmist hrá eða soðin eins og flestar tegundirnar í ættkvíslinni.[5]
Rósagrýta (fræðiheiti; Claytonia sibirica) er jurt ættuð frá Rússnesku Aleut-eyjum yfir í Alaska, suður til Santa Cruz fjalla. Montia sibirica er algengt samheiti. Tegundin var flutt tl Bretlandseyja á 18du öld þar sem hún er orðin mjög útbreidd.
