Łažawy zběhowc (Ajuga reptans) je rostlina ze swójby cycawkowych rostlinow (Lamiaceae).
Wopis
Łažawy zběhowc je trajne zelo, kotrež docpěwa wysokosć wot 7 hač 30 cm. Rostlina ma nadzemske wuběžki.
Stołpik je štyrihranity.
Łopjena
Łopjena su w křižu přećiwostejne, cyłokromne abo njejasnje zubate, rozpjeršenje kosmate. Hornje łopjena su něhdźe tak dołhe kaž kćenja. Spódnje łopjena su dołho stołpikate.
Kćenja
Kćěje wot meje hač awgusta. Kćenja docpěwaja dołhosć wot 1 hač 1,5 cm a steja po dwěmaj hač po šesćoch w rozporach hornich łopjenow. Hornja hubka je mólička, zo to tak wupada jako by falowała. Króna je módra abo čerwjenojta a docpěwa dołhosć wot 10 hač 15 mm.
Stejnišćo
Rosće na łukach, trawnikowych płoninach, w kerčinach, lěsach a mjezach.
Rozšěrjenje
Rostlina je w nimale cyłej Europje rozšěrjena.
Podobna družina
Nóžki
-
↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 648.
-
↑ W internetowym słowniku: Günsel
Žórła
- Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 316 (němsce)
- Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 240 (němsce)
- Ullstein Lexikon der Pflanzenwelt, 1973, ISBN 3-550-16019-4, strona 174, pod hesłom Günsel (němsce)
- Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
- Kubát, K. (Hlavní editor): Klíč ke květeně České republiky. Academia, Praha (2002)
- Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
- Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)
Eksterne wotkazy
Łažawy zběhowc. W: FloraWeb.de. (němsce)
