Spergula maxima Weihe

Rólny kolij (Spergula arvensis) je rostlina ze swójby nalikowych rostlinow (Caryophyllaceae).

Wopis

Rólny kolij je zrunana jednolětna rostlina, kotraž docpěwa wysokosć wot 10 hač do 50 cm. Rostlina je žałzojće kosmata.

Łopjena

Tróšku mjasne, wusko-linealne łopjena docpěwaja dołhosć wot 1 hač do 4 cm a steja w pozdatnych mutličkach. Wone maja na delnim boku podołhostnu brózdu.

Kćenja

Kćěje wot junija hač do oktobra. Kćenja docpěwaja wulkosć wot 5 hač do 8 mm a steja w čumpatych, jako widlički rozhałuzowanych kwětnistwach. Pjeć běłych krónowych łopješkow je kulojte, njedźělene a docpěwaja dołhosć wot 2 hač do 4 mm. Keluškowe łopješka su jejkojte a docpěwaja dołhosć wot 2,5 hač 4,5 mm. Kćenjowe stołpiki su po kćěwje wočinjene.

Kćenja so jenož při słónčinje puknu, mjeztym zo při złym wjedrje so same wopróša.

Płody a symjenja

Płody so z pjeć zubkami puknu. Symjenja su sokojte, njesu wusku kožowu kromu a docpěwaja šěrokosć wot 1 hač do 1,8 mm.

Stejnišćo

Rosće w njerodźowych wobrostach na wobkopankowych rolach, na wotewrjenych stejnišćach a pustych płoninach. Preferuje wutkate, čumpate, małowapnite pódy.

Rozšěrjenje

Rostlina je w Europje rozšěrjena.

Wužiwanje

Podobnej družinje

• Pěskowy kolij (Spergula morisonii) ma symjenja ze šěrokej, brunojtej kožowej kromu.
• Pjećmužny kolij (Spergula pentandra) ma symjenja ze šěrokej, běłej kožowej kromu. Krónowe łopješka su lancetojte.

Nóžki

1. ↑ W internetowym słowniku: Spark

Žórła

• GU Naturführer Blumen, ISBN 3-7742-1507-3, strona 168 (němsce)
• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 48 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 134 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)