Rólny kolij (Spergula arvensis) je rostlina ze swójby nalikowych rostlinow (Caryophyllaceae).
Rólny kolij je zrunana jednolětna rostlina, kotraž docpěwa wysokosć wot 10 hač do 50 cm. Rostlina je žałzojće kosmata.
Tróšku mjasne, wusko-linealne łopjena docpěwaja dołhosć wot 1 hač do 4 cm a steja w pozdatnych mutličkach. Wone maja na delnim boku podołhostnu brózdu.
Kćěje wot junija hač do oktobra. Kćenja docpěwaja wulkosć wot 5 hač do 8 mm a steja w čumpatych, jako widlički rozhałuzowanych kwětnistwach. Pjeć běłych krónowych łopješkow je kulojte, njedźělene a docpěwaja dołhosć wot 2 hač do 4 mm. Keluškowe łopješka su jejkojte a docpěwaja dołhosć wot 2,5 hač 4,5 mm. Kćenjowe stołpiki su po kćěwje wočinjene.
Kćenja so jenož při słónčinje puknu, mjeztym zo při złym wjedrje so same wopróša.
Płody so z pjeć zubkami puknu. Symjenja su sokojte, njesu wusku kožowu kromu a docpěwaja šěrokosć wot 1 hač do 1,8 mm.
Rosće w njerodźowych wobrostach na wobkopankowych rolach, na wotewrjenych stejnišćach a pustych płoninach. Preferuje wutkate, čumpate, małowapnite pódy.
Rostlina je w Europje rozšěrjena.
Rólny kolij (Spergula arvensis) je rostlina ze swójby nalikowych rostlinow (Caryophyllaceae).