Die Beekforel (Salvelinus fontinalis) is 'n varswater vis wat inheems is aan noord-oos Noord-Amerika. Die visse is ingevoer en vrygelaat in die Wes-Kaap, Oos-Kaap, KwaZulu-Natal en Mpumalanga. In Engels staan die vis bekend as Brook charr.
Die skubbe is klein wat die vel 'n leeragtige voorkoms gee. Die sylyn is duidelik en reguit. Die lyf is stroombelyn, die vinne kort en die stertvin is holrond tot plat. Die vis is gewoonlik donker, olyf bruin tot rooi bruin. Daar is rooi kolletjies op die sye van die lyf en die dorsale vin het donker brui-swart kolletjies op. Die vis word tot 400 lank en die Suid-Afrikaanse hengel rekord is 1.035 kg.
Die vis verkies koel (maksimum 20 °C), helder water met baie suurstof om in te leef. Die dieet is baie soos die van die Reënboogforel en Bruinforel. Hulle broei in water wat 4 - 10 °C is oor gruis beddings in vloeiende water. Die wyfie maak 'n nes en paar met slegs een mannetjie. Die eiers broei uit na 4 - 6 weke.
Diè forel is met die Bruinforel gekruis en die produk van die kruising staan bekend as die Tierforel. Die Beekforel word egter vir 'n geruime tyd nie meer in Suid-Afrika opgemerk nie en mag uitgesterf het.
Die Beekforel (Salvelinus fontinalis) is 'n varswater vis wat inheems is aan noord-oos Noord-Amerika. Die visse is ingevoer en vrygelaat in die Wes-Kaap, Oos-Kaap, KwaZulu-Natal en Mpumalanga. In Engels staan die vis bekend as Brook charr.
