Долгоопашестото свиларче (науч. Cercotrichas galactotes), е мала птица од фамилијата на муварчињата која ја има во Македонија. Се размножува околу Медитеранот и на исток до Пакистан. Исто така, ја има во јужна Сахара од регионот Сахел и на исток до Сомалија; кои понекогаш се сметаат за посебен вид C. minor. Таа е делумно птица преселница, која зимува во источна Африка и Индија. Многу редок посетител е на северна Европа.
Долгоопашестото свиларче е малку поголемо од црвеногушката, со должина 14-16 см, распон на крилјата 22-27 см и тежина 20-25 грама. Половите се слични. Горниот дел од телото им е кафеавоцрвеникав до сивокафеав, а долниот дел е песок боја. Над самото око има светла линија. Долгата опашка е костенлива боја а врвот ѝ е црно-бел. Често ја мрда и шири опашката покажувајќи ги овие црно-бели делови. Птиците на запад се побледи и имаат потопли кафеави бои на грбот од оние во југоисточниот дел од Европа и Азија. Животниот век им е до 5 години.
Животната средина на оваа птица се отворените суви предели со грмушки. Се храни со инсекти кои ги лови на земја. Огласувањето е збир од свирки и црцорења со тажен тон. Гнездото направено од тревки и гранчиња, а понекогаш и со змиска кожа го сместува во грмушките, живите огради или дрвјата до 2 метри височина. Несе 3-5 зеленосини јајца испрскани со светло кафеави дамки. Женката ги лежи јајцата 13 дена, а младенчињата го напуштаат гнездото по 12-13 дена. Се случува да бидат домаќини на паразитската кукавица.
Долгоопашестото свиларче (науч. Cercotrichas galactotes), е мала птица од фамилијата на муварчињата која ја има во Македонија. Се размножува околу Медитеранот и на исток до Пакистан. Исто така, ја има во јужна Сахара од регионот Сахел и на исток до Сомалија; кои понекогаш се сметаат за посебен вид C. minor. Таа е делумно птица преселница, која зимува во источна Африка и Индија. Многу редок посетител е на северна Европа.
