Anthericum ramosum L.

Hałžkata lilijanka (Anthericum ramosum) je rostlina z podswójby agawowych rostlinow (Agavoideae) znutřka swójby hromakowych rostlinow (Asparagaceae).

Po někotrych žórłach so swójskej swójbje lilijankowych rostlinow (Anthericaceae) zarjaduje.

Wopis

Hałžkata lilijanka je trajne zelo, kotrež docpěje wysokosć wot 30 hač do 80 (90) cm.

In Prague Botanical garden

Łopjena

Měnjate łopjena su trawojte, ćmowozelene a docpěja dołhosć wot hač do 50 cm a šěrokosć wot 2 hač do 6 mm.

Kćenja

Kćěje wot junija hač do awgusta. Likojte, běłe kćenja docpěja wulkosć wot 2 hač do 3 cm a steja w čumpatych pakićach. Tři znutřkowne kćenjowe łopješka su nimale dwójce tak šěroke kaž zwonkowne. Wšě kćenjowe łopješka docpěja dołhosć wot 0,8 hač do 1,2 cm. Próšniki su žołte.

Stejnišćo

Rosće na lěsnych kromach, w swětłych lisćowych a chójnowych lěsach, na kerčinowych kromach, na skłoninach a na połsuchich trawnikach. Ma radšo suche, wapnite pódy na ćopłych stejnišćach.

Płody

Płody su kulowate.

Rozšěrjenje

Rostlina je srjedźnej a južnej Europje rozšěrjena, ale w Němskej jenož rozpjeršena wustupuje.

Wužiwanje

Podobna družina

• Runa lilijanka (Anthericum liliago) ma 3-5 cm šěroke kćenja, kotrež steja w kićach.

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 238.
2. ↑ W internetowym słowniku: Graslilie

Žórła

• GU Naturführer Blumen, ISBN 3-7742-1507-3, strona 158, jako podobna družina Ästige Graslilie (Anthericum ramosum) pod hesłom Astlose Graslilie (Anthericum liliago), je tam swójbje Liliengewächse zarjadowana (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 184, je tam swójskej swójbje Grasliliengewächse zarjadowana (němsce)
• Steinbachs Großer Pflanzenführer, ISBN 978-3-8001-7567-3, strona 192 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)

Wotkazy

Hlej wotpowědne dataje we Wikimedia Commons:
Hałžkata lilijanka

Hałžkata lilijanka. W: FloraWeb.de. (němsce)

• Rozšěrjenje družiny na sewjernej połkuli.