Al Papa dla Luiśiàna, cgnusû anc cuma Śìgul Pitâ (nóm sientìfic „Passerina ciris“), 'l è 'n uśèl dla famìja di Cardinalidae ch'al viṿ in di Stat Unî e in dl'Amèrica Sentràla in Invéran. Al fà part dal gènar dal „Pasarìni“.
Al Papa dla Luiśiàna al miśùra trédas cm a 'l incìrca e al gh'à 'n impurtànt dimurfìśum sesuàl fra 'l masć, dimóndi culurâ cun la pansa 'd un ròśa impìs e 'l cô blù, e la fémna ch'la dà su 'n vérd/griś minga tant sfaciâ. A s trata 'd 'n uśèl spauróś ch'al magna dla scménsa e dgl'insèt. La stagiòṅ di amōr la taca a la fiṅ 'd Avrìl in fiṅ a i prim 'd Agóst quànd al masć, par far-as nutàr, al taca a cantàr.
Al gnal, a fórma dna cópa, 'l è fat sù da la fémna miténd insém dl'èrba cun di spruchèṅ e pò impinî cun dla ròba téndra. La còpia la mét a 'l mónd tri o quàt'r óṿ a la vòlta, ad culōr biànc o griś cun dal maci maròṅ, e la cóva la và avànti in gènar par déś dè prima ch'i nàs'n i pulśèṅ.
Al Papa dla Luiśiàna, cgnusû anc cuma Śìgul Pitâ (nóm sientìfic „Passerina ciris“), 'l è 'n uśèl dla famìja di Cardinalidae ch'al viṿ in di Stat Unî e in dl'Amèrica Sentràla in Invéran. Al fà part dal gènar dal „Pasarìni“.
