Les taxácees (nome científicu Taxaceae) son una familia de coníferes del orde Cupressales. Fueyes lliniales, aplanaes, enteres, agudes nel ápiz, son d'óvulos solitarios ensin conos, y granes con una cubierta esterna dura asociada a un moquiellu (arilu) carnosu usualmente brillantemente coloríu. Son mayormente del Hemisferiu Norte.
Árboles de tamañu pequeñu a moderáu o parrotal, usualmente non resinosos o llixeramente resinosos, con arumes o non. Madera ensin canales de resina. Fueyes simples, persistentes per munchos años, que s'esprenden d'a una, dispuestes n'espiral (opuesta n'una especie), munches vegaes torcíes de forma de paecer dístiques, linealesa, esplanaes, enteres, agudes nel ápiz, con 1 o nenguna canal de resina. Dioicos (raramente monoicos). Estróbilos de microsporanxos con 6-14 microsporofilos, microsporanxos 2-9 por microsporofilu, iguaos radialmente alredor del microsporofilu o llindaos a la so superficie abaxial, polen ensin "sacca". Óvulos solitarios y ensin conos, granes con una cubierta esterior dura, acomuñada a un moquiellu carnosu usualmente brillantemente coloriáu, cotiledones 2 (dacuando 1 o 3).
Mayormente del Hemisferiu Norte, estendiéndose dende'l sur de Guatemala hasta Java, con un xéneru endémicu de Nueva Caledonia.
Tienden a crecer en sitios húmedos del fondu de los valles onde s'atropa la foyarasca.
Taxaceae ye únicu ente les coníferes en que la so grana solitario nun ta acomuñada a escama del conu. El moquiellu ye una crecedera de la exa baxo la grana. Dellos sistemáticos removieron a esta familia de les coníferes porque nun tien conu, pero la embrioloxía, l'anatomía de la madera, la química, y la morfoloxía de la fueya y del polen arreyen a esta familia incuestionablemente a les demás coníferes. El conu piénsase que se perdió, y la grana solitaria col moquiellu ye polo tanto un calter deriváu.
Les secuencies d'ADN, la morfoloxía, l'anatomía, y la química de los alcaloides estremen la familia en dos clados, unu incluyendo a Taxus, Austrotaxus y Pseudotaxus, y l'otru comprendiendo a Torreya y a Amentotaxus. La familia ta aparentemente más emparentada a (y pue ser parafilética ensin) Cephalotaxaceae, una familia monoxenérica del este d'Asia que tien óvulos pareaos acomuñaos a una pequeña crecedera considerada una escama del conu amenorgada y que crez a lo llargo de la exa del conu. Usualmente namái una de les dos granes madura, y desendolquen una cubierta esterna xugosa que s'asemeya, pero nun ye homóloga, al moquiellu de les taxácees. La grana solitario, y como drupas de munches Podocarpaceae' , tamién se paecen a los arilos de les taxácees, pero los datos de secuencies d'ADN indiquen que la carnosidá apaeció más d'una vegada (Stefanovic et al. 1998).
La clasificación, según Christenhusz et al. 2011, que tamién provee una secuencia llinial de les ximnospermes hasta xéneru:
Taxus ye llargamente cultiváu como ornamental y para madera fina en Norteamérica y Europa. Ye una de les maderes de coníferes más fines, agora utilizada n'amoblamientos d'alta calidá. Torreya ye menos importante como ornamental, pero la so madera, la so grana comestible y l'aceite de la so grana son valoraos n'Asia.
Taxus contién taxol, unu de los munchos altamente venenosos alcaloides de les fueyes, tueros y grana. La potente actividá antimitótica del taxol fai que tenga usu na quimioterapia del cáncer.
Les taxácees (nome científicu Taxaceae) son una familia de coníferes del orde Cupressales. Fueyes lliniales, aplanaes, enteres, agudes nel ápiz, son d'óvulos solitarios ensin conos, y granes con una cubierta esterna dura asociada a un moquiellu (arilu) carnosu usualmente brillantemente coloríu. Son mayormente del Hemisferiu Norte.
