Hemaris ye un xéneru de lepidópteros ditrisios de la familia Sphingidae conocíos vulgarmente como caparines picaflor. Tienen una distribución holártica, con 17 especies distribuyíes nel Nuevu y el Vieyu Mundu. Les canesbes aliméntense principalmente de yerbes o parrotales de les families del cardu (Dipsacaceae) y de les madreselves (Caprifoliaceae). [1][2]
Los güevos son pequeños, esféricos y de color verde maciu nacaráu.
Les gates son cilíndriques y con verrugas o tubérculos. De cutiu les verrugas tienen cogordes o escayos. La mayoría de les canesbes son verdes o marrones, pero hai delles variaciones de color. Toes tienen una banda llonxitudinal envés llateral distintiva dende la cabeza hasta'l cuernu nel estremu posterior.
La pupa envolubrase nun brotu de texíu bien suelto; les pupes de delles especies son brilloses. Hai un tubérculu prominente al llau de cada güeyu. El cremáster ye grande y esplanáu.
El imago o adultu ye una caparina diurna de cuerpu robustu que s'asemeya a los babarones na forma del cuerpu. De cutiu confundese con colibríes o picaflores pola so forma de volar y suélse-yos dar el nome común de caparina picaflor. Les nales tienen partes tresparentes que perdieron la so cubierta d'escames mientres los primeros vuelos. Les antenes de dambos sexos tienen forma de mazu bien pronunciáu y con forma llixeramente de gabitu. L'abdome termina en forma d'abanicu. Los adultos aliméntense del néctar de les flores y son bonos polinizadores.
Hemaris diffinis
Hemaris diffinis variaciones
Hemaris thysbe
Hemaris diffinis
.Hemaris ye un xéneru de lepidópteros ditrisios de la familia Sphingidae conocíos vulgarmente como caparines picaflor. Tienen una distribución holártica, con 17 especies distribuyíes nel Nuevu y el Vieyu Mundu. Les canesbes aliméntense principalmente de yerbes o parrotales de les families del cardu (Dipsacaceae) y de les madreselves (Caprifoliaceae).
