La Arbopipio, Anthus trivialis, estas mezgranda paserina birdo, membro de la genro de pipioj kaj familio de Motaciledoj (kiu enhavas ankaŭ la motacilojn kaj longungulojn) kiu reproduktiĝas en plej parto de Eŭropo kaj moderklimata okcidenta kaj centra Azio. Ĝi estas longdistanca migranto kiu moviĝas vintre al Afriko kaj suda Azio.
Tiu estas malgranda pipio, kiu similas al la Herbejpipio. Tiu estas nedistingeblaspekta specio, strieca bruna supre kaj kun nigrecaj markoj en flankoj de blankeca ventro kaj pli markataj en sablokolora brusto sube. La kruroj estas rozkolorecaj. Ĝi povas esti distingebla el la iom pli malgranda Herbejpipio pro sia pli fortika beko kaj pli granda kontrasto inter sia sablokolora brusto kaj blanka ventro. Arbopipioj estas pli pretaj ripozi sur arboj, de kio devenas la komuna nomo.
La alvoko estas forta spek. Malkiel la malforta alvoko de sis parenco. La kantoflugo estas nekonfuzebla. Tiu birdo leviĝas mallongan distancon el arbo, kaj poste malsupreniras paraŝute havante rektajn flugilojn, dum la kanto iĝas pli longeca je la fino.
La reprodukta habitato estas malferma arbaro kaj arbustaro. La nesto estas surgrunde, kaj la ino demetas 4–8 ovojn. Tiu specio estas insektovora, kiel siaj parencoj, sed ili manĝas ankaŭ semojn.
Ili malpliiĝis en populacio je 85 % en la lastaj 20 jaroj.
Tiuj palearktisaj birdoj reproduktiĝas en arbaraj biotopoj, inklude de makiso kaj elforstado. Ili troviĝas en malferma arbaro de betuloj en bordoj de montetoj, aŭ malferma kverkarbaro. Ili preferas malaltan kanopeon al mezgrandaj arboj, kie estas malalta arbustaro kaj rubusoj malpli da 2 m relative alte. Ili ŝatas mozaikon de herbo kaj filikoj, sed ne tre herbeja malalta herbejo, tiom maldensa ke modera paŝtado estas preferata, dum oni ŝtas ankaŭ klarejojn. Ili preferas rojojn.
Post alveno al la reprodukta teritorio, ili nestumas surgrunde inter tufoj de herbo aŭ makiso. Ili manĝas senvertebrulojn troviĝantajn en grunda vegetaĵaro.
Necesas disajn arbojn kiel kantoripozejojn.[1]
La Arbopipio, Anthus trivialis, estas mezgranda paserina birdo, membro de la genro de pipioj kaj familio de Motaciledoj (kiu enhavas ankaŭ la motacilojn kaj longungulojn) kiu reproduktiĝas en plej parto de Eŭropo kaj moderklimata okcidenta kaj centra Azio. Ĝi estas longdistanca migranto kiu moviĝas vintre al Afriko kaj suda Azio.
