Tympanuchus é un xénero de aves da orde dos galiformes, familia dos fasiánidos e subfamilia dos tetraoninos.[2]
O xénero comprende tres especies,[2] na Lista vermella da UICN.[3][4][5] que viven en América do Norte, econtrándose en diferentes tipos de pradarías.
As tres especies, estreitamente relacionadas filoxeneticamente, son moi similares. De rexa constitución corporal, igual que as doutros galiformes, como as galiñas, son os tetraoninos de menor tamaño, xa que miden entre os 40 e 43 cm de lonxitude. Os machos son maiores que as femias. Teñen plumas nos orificios nasais. As patas están tamén emplumadas até as dedas, e teñen plumas ou pequenas escamas nos lados, unha adaptación para camiñar sobre a neve e enterrarse nela como refuxio. A diferenza doutros galiformes, non teñen esporóns. Na exhibición de cortexo nos "leks", pequenos territorios abertos nos que os machos, na época de celo, intentan desprazar aos seus competidores, a chamar a atención das femias, emiten sons e bailan coa cabeza estendida cara a adiante, coa cola despregada e cos rechamantes "sacos" do pescozo inflados (como se ve na foto adxunta).[6]
O xénero foi descrito en 1841 polo zoólogo alemán, especializado en ornitoloxía, Constantin Wilhelm Lambert Gloger.[2]
O termo Tympanuchus está formado polos elementos do latín científico tymmphan- e -uchus, ambos os dous derivdos de voces do grego antigo. O primeiro de τύμπανον týmpanon, 'tambor', 'timbal' (derivado do verbo τύπω týmpō, 'golpexar'). E o segundo do verbo ἧχος ểchos, 'ruído', 'estrondo', en referencia aos sacos membranosos do pescozo dos machos, e ao ruído que poducen.[7]
Ademais do nome actual, válido, o xénero coñeceuse tamén polo sinónimo:[2]
Tympanuchus é un xénero de aves da orde dos galiformes, familia dos fasiánidos e subfamilia dos tetraoninos.
O xénero comprende tres especies, na Lista vermella da UICN. que viven en América do Norte, econtrándose en diferentes tipos de pradarías.
.jpg)
