Les especies d'aves con nome común en llingua asturiana márquense como NOA. En casu contrariu, conséñase'l nome científicu o de la SEO.
El mosquiteru aveséu (Phylloscopus fuscatus)[2] ye una especie d'ave paseriforme de la familia Phylloscopidae que vive nel este d'Asia.
Tien un tamañu y forma asemeyáu al mosquiteru común, con un llargor mediu ente los 12 y 12,5 cm. Les sos partes cimeres son de color pardu buxu ensin veteáu y les inferiores son ablancazaes. Presenta una destacada llista superciliar ablancazada y una llista ocular daqué más escura que'l restu de la cara. El so picu ye finu y apuntiáu col quexal cimeru gris y l'inferior ablancazáu. Los dos sexos tienen un aspeutu asemeyáu, pero los inmaduros tienen les partes inferiores de tonos verdosos.
Ye un ave migratoria de llarga distancia que cría en Siberia (dende l'oeste de les montes Altái hasta Kamchatka), Mongolia, Corea del Norte, l'interior de China y estremu oriental de Kazakstán; y muévese al sur pa pasar l'iviernu nel sudeste asiáticu, el sur de China y l'este del subcontinente indiu. Suel apaecer como divagante n'Europa y Norteamérica.
El so hábitat natural ye'l monte baxu abiertu y les praderíes húmedes, xeneralmente cerca de mases d'agua como los banzaos y ríos, anque pasa l'iviernu nes selves de tierra baxes y los manglares.
Son principalmente insectivoros, anque pueden complementar la so dieta con pequeñes cantidaes de materia vexetal como les bagues. Añera nes carbes baxes, y suel poner ente 5-6 güevos.
.
Esta páxina forma parte del wikiproyeutu Aves, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. Les especies d'aves con nome común en llingua asturiana márquense como NOA. En casu contrariu, conséñase'l nome científicu o de la SEO. El mosquiteru aveséu (Phylloscopus fuscatus) ye una especie d'ave paseriforme de la familia Phylloscopidae que vive nel este d'Asia.
