Millepertuis Herisse

Somoćany křižomnik (Hypericum hirsutum) je rostlina ze swójby Křižomnikowych rostlinow (Hypericaceae).

Wopis

Somoćany křižomnik je trajne zelo, kotrež docpěwa wysokosć wot 40 hač 100 cm.

Stołpik je husto mjechko kosmaty a kulojty.

Łopjena

Łopjena su husto mjechko kosmate, přećiwostejne, owalne, cyłokromne, sedźace a docpěwaja dołhosć wot 1 hač 6 cm. Wone njenjesu čorne žałzy.

Kćenja

Kćěje wot julija hač awgusta. Kćenja docpěwaja wulkosć wot 1,2 hač 2,3 cm a su blědožołte hač złotožołte. Keluch njese stołpikate, čorne žałzy.

Stejnišćo

Rosće na lěsnych swětlinach, lěsnych pućach, chłódkojtych lěsnych trawnikach. Preferuje suche a w prawym měrje włóžne pódy.

Rozšěrjenje

Rostlina w Europje rozšěrjena.

Nóžki

1. ↑ W internetowym słowniku: Johanniskraut

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 130 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 272 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)