Boletus subtomentosus ye un fungu basidiomiceto de la familia Boletaceae, que s'habita en climes templaos, tantu en bosque de coníferes como en montes mistos, onde de cutiu crez ente restos de madera, humus y mofos. Puede atopase solitariu, pero xeneralmente estes cogordes atópase en grupos. El cuerpu granible apruz dende mediaos del branu hasta la seronda. L'epítetu específicu "subtomentosus" significa "llixeramente aterciopeláu". Ye un fungu comestible, pero calidable mediocre.[1][2]
La cogorda del Boletus subtomentosus tien un sombreru d'ente 3 y 12 centímetros de diámetru, de cutícula aterciopelada, hemisféricu, o convexu, y de color amarellentáu o ocre. Los tubos son llargos y xuntaos, mariellu intenso de primeres que se faen más verdosos más tarde. Los poros son del mesmu color, grandes, y tomen un llixeru color azuláu al primilos. El hidróxidu de amonio produz una reacción caoba acoloratada carauterística al entrar en contautu col sombrerucu, qu'estrema a esta cogorda d'otres especies similares del xéneru.[2] El pie del cuerpu granible mide de 3 a 10 centímetros de llargu y de 1 a 2,5 centímetros d'anchu, ta enancháu na parte más cercana al sombrerucu, fibrosu, ensin retícula y de color blancu, o ocre claru amarellentáu, con un motudu más escuru. La carne ye ablancazada o amarellentada, de color más marcáu na base del pie. El so sabor ye duce y el so golor débil. La esporada ye pardoolivácea.[1]
Boletus subtomentosus ye un fungu basidiomiceto de la familia Boletaceae, que s'habita en climes templaos, tantu en bosque de coníferes como en montes mistos, onde de cutiu crez ente restos de madera, humus y mofos. Puede atopase solitariu, pero xeneralmente estes cogordes atópase en grupos. El cuerpu granible apruz dende mediaos del branu hasta la seronda. L'epítetu específicu "subtomentosus" significa "llixeramente aterciopeláu". Ye un fungu comestible, pero calidable mediocre.
