Euphorbe Exiguë

Mała mlóčeń (Euphorbia exigua) je rostlina ze swójby mlóčenjowych rostlinow (Euphorbiaceae).

Wopis

Mała mlóčeń je jednolětna rostlina, kotraž docpěje wysokosć wot 5 hač do 20 cm.

Łopjena

Měnjate łopjena su jasnozelene, linealne, jako kałač kónčkojte, sedźace a docpěja dołhosć wot 0,5 hač do 3 cm.

Kćenja

Kćěje wot junija hač do oktobra. Pozdatne wokołki su třipromjenjowe hač pjećpromjenjowe, při čimž wšě promjenja su jako widlički dźělene. Přikrywne łopješka su jasnozelene a linealne. Wone su sedźace a njezrosćene. Jich spódk je wutrobojty. Žałzy kćenjoweho keluška su połměsačkojte-rohate.

Płody

Płody su hładke kapsle.

Stejnišćo

Rosće na hlinjanych žitnych polach, na ladach a na drjebiznowych městnach.

Rozšěrjenje

Rostlina je w nimale cyłej Europje rozšěrjena. Ale pochadźa z južneje Europy.

Wužiwanje

Nóžki

1. ↑ W internetowym słowniku: Wolfsmilch

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 364 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)

Eksterne wotkazy

Hlej wotpowědne dataje we Wikimedia Commons:
Mała mlóčeń

Mała mlóčeń. W: FloraWeb.de. (němsce)