Ł'Ajo selvadego (nome sientifego Allium ursinum deła fameja dełe Liliaceae) xe na erba selvadega ke crese 'ntel sotobosco in piano, in cołina e in montagna.
I nomi in todesco (Baerlauch), in inglexe (bear's garlic o ramsons) e in taljan (aglio ursino) i vol dire tuti ła stesa roba: ajo deł'orso.
Alta dai 20 ai 40 cm, sta pianta ła manda un forte odore de ajo.
Ła buta fora, fra febraro e marso, do foje ovałi verde scuro (xe deso ke bisogna torle su).
In aprile e majo vien fora i fioreti bianchi, a forma de steła, con sie petali.
Cołe foje, ma anca coi bulbi, se pol fare salse e anca darghe saor ałe insałate.
Ł'Ajo selvadego (nome sientifego Allium ursinum deła fameja dełe Liliaceae) xe na erba selvadega ke crese 'ntel sotobosco in piano, in cołina e in montagna.
